كشف مرتضى منصور، عن سبب رفضه ظهور فرجاني ساسي لاعب الدحيل القطري عبر شاشة قناة الزمالك، خاصة بعد الإشادة الكبيره من التونسي لمنصور.
وكان ساسي قد ظهر عبر قناة “صدى البلد” مع الإعلامي هاني حتحوت في برنامج “الماتش” وأشاد كثيرا بأمير مرتضى منصور وبمرتضى منصور، وشدد إنه كان سيجدد في الزمالك بسبب وجوده، وأكد على شعوره بالأمان مع مرتضى.
وقال مرتضى منصور في مقطع فيديو نشره عبر حسابه الشخصي “بفيسبوك”:”فرجاني ساسي كان في مصر والمفروض كان يطلع في قناة الزمالك، قولتلهم لا بلاش علشان لو قال اي كلمه حق لينا هيتقال علشان طالع في القناة”.
وأضاف:”راح طلع في قناة الأعداء اللي فيها احمد موسى، ولما قال إنه اللجان طفشته وطارق حشيش رفض يجدد عقده وشكر فيا، وقال إني كنت بعاملهم كويس، الدنيا قامت وساسي بقي بيتشتم هو وتونس علشان شكر فيا، لا ده الموضوع زاد عن حده”.
وشدد:” شويه عيال عاملين نفسهم زملكاويه ياجمهور الزمالك العظيم شوف مين دول، عيل ماسك الموبايل ومستخبي وراه وبيدينا نصائح وبيشتمنا، انت عارف احنا مين، حضرتك مين؟ واسمك ايه، اسمك بعجر؟، ماشي يابعجر، انت مؤهلك وخبرتك ايه في الرياضه”.
وأختتم مرتضي: “بسأل حضرتك علشان أعرف أتفاهم معك انت بصفتك مين، الجمهور مش بيعطي نصائح مش 10 أو 12 عيل ماسكين صفحات بتحاسبني واعمل كده، الجمعيه العموميه هي اللي بتجيبنا حضرتك مين؟، انت مش جمهور أسالهم انتم مين، دول لعنه بالزمالك”.
