“قاعدين في الشارع” صدمة لجماهير أسوان الزاحفه خلف فريقها قبل لقاء الاسماعيلي – صورة

يستقبل فريق الإسماعيلى فى السابعة مساء اليوم الخميس، فريق أسوان على استاد الإسماعيلية فى إطار منافسات الجولة الثانية والثلاثين من بطولة الدورى المصرى الممتاز لكرة القدم.

يدخل الفريقان اللقاء بمعنويات منخفضة، حيث سقط الإسماعيلى أمام طلائع الجيش بهدف نظيف فى الجولة الماضية، فيما تعادل أسوان مع المقاولون العرب 1 /1 في نفس الجولة.

وسيكون اللقاء بمثابة طوق نجاه لكلا الفريقين بسبب موقفهم السئ في الدوري وأنهم مهددين بالهبوط.

وزحفت جماهير أسوان خلف فريقها من مسقط رأسها إلى مدينه الاسماعيلية بباصات متواضعه وفرتها إدارة أسوان بعد معاناه.

لكن الجماهير أصيبت بالصدمة بعد مغادره مدينه أسوان، حيث تعطلت الحافلة بهم في الطريق لأكثر من مرة.

ونقل مراسل برنامج كورة كل يوم في قناة الحياة، عبر حسابه الشخصي، معاناة الجماهير التي أصبحت في الشارع حاليا غير قادرين على الوصول إلى ستاد الإسماعيليه بعد تعطل الباص الذي ينقلهم.

وقال مراسل الحياة عبر حسابه الشخصي، ” الناس الطيبين دول كل مشكلتهم انهم بيحبوا الكوره وبيحبوا نادي اسوان، وفريق اسوان عنده ماتش مهم في الاسماعيليه والفوز معناه بقاء الفريق رسميا في الدوري”.

وتابع, ” طلبوا من مجلس الادارة النادي يوفروا وسيلة انتقال للسفر الي الاسماعيليه، متخيلين المشوار
من اسوان للاسماعيليه وسفر اكتر من ١٣ ساعه في عز الحر، يعني لازم تكون وسيلة مواصلات محترمه مش هنقول سوبر “.

وواصل، ” للاسف الناس اللي سابت بيوتها واهلها فوجئت ان النادي موفر لهم الاتوبيس اللي في الصور ده، ويا ريت كده وبس، ده الاتوبيس عطل لمدة ٥ ساعات في الاقصر، ومع الزق اشتغل وكمل لحد سوهاج وعطل تاني، والناس لا طالت تروح الاسماعيليه ولا كانت تقعد في بيوتها في امان الله تتفرج علي الماتش زي خلق الله”.

وأتم، ” للاسف قمة البهدله وموقف غير مفهوم من مجلس اسوان انهم يوفروا وسيلة انتقال بالسوء ده
يا جماعه ده ميكروباص اول عباس موقف العاشر السلام مش كده والله، وللاسف ربنا يكون في عون الناس دي، ويا ريت لو حد في سوهاج قريب منهم يتواصل معاهم”.