ميدو يفتح النار على مسئولي الكرة في مصر و يعلق : الدوري المصري فاسد .. و لجنة المسابقات “ترزي” | صورة

فتح الإعلامي أحمد حسام ميدو النار على مسئولي الكرة المصرية بسبب تراجع الدوري المصري في السنوات الأخيرة .

و كتب ميدو عبر حسابه الشخصي على تويتر : الدوري المصري فاسد بكل معاني الكلمة لجنة المسابقات ترزي محترم يقيفلك اي جدول انت عايزه على مقاسك بالظبط.

و تابع : والحكام على الكيف وتوزيع البث التليفزيوني على الكيف والرعاية حدث ولا حرج ولوائح داخله على بعض تتقيف على الكيف وتختار اللون اللي انت عايزه.

و أضاف : و اتحاد كورة بيتخانقوا على السفريات ونقل تليفزيوني عظيم ينافس الدوري الموريتاني وفقرات تحكيمية كوميدية وخطوط الڤار عندنا عرضية وأفقية ولو مش عاجبك تقدر تعطله خالص عادي مفيش مشكله .

و أتم ميدو تصريحاته عبر حسابه على تويتر قائلا : قرعة الكاس تسحبها زي احلى نفس من احلى سيجارة محشية.