“الحكام اللي بتلحقه”.. رضا عبدالعال يفضح مجاملات الحكام للأهلي ويؤكد: ماحدث في السوبر أكبر دليل – فيديو
أكد رضا عبدالعال نجم الكرة المصرية السابق أن الأهلي يقدم مستويات غير جيدة مع المدير الفني كولر، مشيرًا إلي أن التحكيم كان له دور بارز في إنقاذ الأهلي من عدة خسائر خلال مشواره هذا الموسم.
وقال “رضا” :”الأهلي بيخسر مع كولر كتير لكن الحكام هي اللى بتلحقه، والدليل اللى حصل في مباراة السوبر في الإمارات قدام بيراميدز هل كوره كهربا تستاهل إنها تكون ركلة جزاء ودي اسمها بطولة”
وأضاف “رضا” خلال استضافته في برنامج “البريمو” على قناة “تن” :”في نهائي كأس مصر أحمد الشناوي أخطأ وبقول إن ده حظ، إنما لو عايز تكسب أكسب كورة”.
وتابع :”على معلول في مباراة السوبر ومحمد الشناوي ضربوا محمد الشيبي وكله عمل من بنها، الدوري من حق الأهلي اه لكن مكنش فيه فرق تانية تنافس بقوة علشان كده الأهلي حسم البطولة من بدري”.
وأكد “رضا” :”لو المباريات دي لعبها الأهلي بعد العودة من إفريقيا مباشرة كان الموضوع هيختلف تمامًا، انت الماتش حرس الحدود اللى فاتت الأهلي كان “لايص” وفي مباراة الأهلي وفيوتشر كان فيه أهداف دخلت في الأهلي والغيت”.
وأختتم “عبد العال” :”عايزين روح المنافسة والحكام متضيعوش مجهود الفرق، إحنا عايزين العدالة فقط وسيبك من الفار لأنك هتلاقي الخط اللى بيترسم بيضق ويوسع علشان ميتحسبش جون في الأهلي أو الزمالك إحنا عايزين كورة نضيفة لأن الفار ده المفروض جاي إنه يساند الفرق اللى ملهاش ضهر”.
شاهد:
