“باين عليه الخضة”.. نجم الأهلي السابق يقدم روشتة “إحتواء” الخائن إمام عاشور داخل النادي الأحمر – صورة

تحدث هاني العجيزي مهاجم النادي الأهلي السابق، على صفقة إنتقال إمام عاشور إلي صفوف النادي الأحمر، مشيرًا إلي أنه على جماهير الأهلي تقبل الأمر والقبول بوجود اللاعب داخل النادي.

وكتب “العجيزي” :”إمام في الأهلي !!.. أه ماتستغربش إحنا في عصر الإحتراف و محدش ضغط عليه و جاي الأهلي بكامل إرادته طيب حلو”.

وأشار :”إمام لاعب دولي ولاعب مفيش اختلاف على امكانياته الفنيه لاعب classA و أي مدرب يتمني يكون عنده لاعب profile ده، وإمام عارفين انه زملكاوي و باين عليه انهارده انه مخضوض و مش مستوعب انه لابس تيشرت الأهلي هقولك فعلا عندك حق في كل ده”.

وأضاف “العجيزي” عبر صفحتة الرسمية على موقع التواصل الاجتماعي ” فيس بوك” :”طيب دي مشكله كبيره ؟ اه وكبيره كمان عشان انا مريت بنفس الموقف ده ..طيب مفروض يعمل ايه عشان يخرج بسرعة من الخضة دى ؟”.

وتابع :”رقم 1. كباتن الفريق ليها دور كبير في احتواءه بشكل كبير ودايما يحسسوه ان الوضع اتغير و انه دلوقتي في النادي الأهلي أكبر نادي في إفريقيا
، 2 الجماهير عليها دور كبير جدا مع اللاعب و حمايته من أي محاولة لفقد اللاعب تركيزه و تشتيته”.

وأوضح :” 3 والأهم هي عقلية إمام لازم يعمل لدماغه سوفت وير جديد عشان الوضع مختلف كليا في كل شئ ، اخيرا انت كأهلاوي مع أو ضد الصفقة الموضوع انتهى و إمام بقي لاعب في النادي الأهلي و ليه كل الدعم..مبروك عليك النادي الأهلي ياإمام”.