“بحه الساحر هو السبب ” … مرتضى منصور يكشف هويه المتسبب في إنهيار الزمالك وازدهار الأهلي !!

كشف مرتضى منصور عن سبب إزدهار النادي الأهلي الفتره الماضيه منذ الخساره أمام صن داونز ، مؤكدا أن السحر والشعوذه هما سبب تدهور مستوى الزمالك الفتره الماضيه وخاصه في مباراه الأهلي الأخيره.

وكان الزمالك قد خسر مباراته أمام الأهلي ، وذلك في إطار المباراه المؤجله من الأسبوع الواحد والثلاثين من عمر مسابقه الدوري الممتاز.

وقال مرتضى منصور في تصريحات تلفزيونية عبر قناة الزمالك:”اللي بيحصل فينا الموسم ده مش طبيعي، أنا عايز اسال حاجة، الأهلي السنه اللي فاتت خسر كل البطولات، الشحات اللي جابوه برقم كبير كانوا هيبعوه، قفشه كان هيبعوه، تاو ده كان هيتباع، دلوقتي فجاه بقوا عملاقه، انا مش هقول منشطات، بس في حاجة مش طبيعية”.

وتابع :”الأهلي بعد ما خسر 5 من صن داونز، فجاه لاعب الهلال يضيع بلن، ويروح يلاعب الرجاء اللعيبه مدغدغه والترجي الجماهير تضرب بعض، والنهائي محدش شاف الهدف وهو بيخش، وغيرها وغيرها وغيرها، حاجة غير طبيعية، في واحد بعتلي رساله اهوه، بعتلي صورة الساحر اسمه رجب بحه منين؟ اهوه الفيوم بلد الواد سيد عبدالحفيظ، ياريت حد من الفيوم يقولي مفيش حد بالاسم ده”.

وأتم :”لا أنا اكسب الاهلي امبارح، لو لاحظتوا امبارح، العارضة على اليمين، هما كانوا بيلعبوا في السلام، راحوا غيروه للقاهرة، علشان يتحكموا فيه، الشغل امبارح كله كان على العارضة، الناس بتقول مش عايزين حجج، انتوا مؤمنين بالقرآن ولا لأ؟”.