“كان عندنا مشكلة كبيرة واتحلت”.. بشرى سارة من مرتضى منصور لجماهير الزمالك قبل البطولة العربية – فيديو
أوضح مرتضى منصور رئيس نادي المعزول أن مجلس إدارة الفارس الأبيض نجح في حل أزمة قيد اللاعبين العائدين من الإعارة قبل بداية مشوار الفريق في البطولة العربية.
وقال “مرتضى” :”كان عندنا مشكلة كبيرة في البطولة العربية لأن كان عندنا 3 لاعبين معارين وهم أوباما وأحمد زكي وحمدي علاء، بالإضافة إلي محمود علاء لكنه مصاب ولم يسافر مع البعثة”.
وأشار :”كنا عاملين بروتوكول مع اتحاد الكرة إننا نسدد جزء من المديونية اللى علينا مع كل فترة قيد، ومصر بتتفرج علينا وعلى ممدوح عباس ومفيش بنى آدم أو مسؤول يقوله عيب انت خت الفلوس دي قبل كده”.
وأكد “مرتضى” :”الموضوع بقى دمه تقيل والكل خايف من ممدوح عباس زي ما الكل خايف من محمود الخطيب ومش عارف ليه خايفين إحنا في دولة قانون، لكن إحنا عندنا دولة ممدوح عباس ودولة محمود الخطيب”.
وأضاف “مرتضى” خلال الفيديو الذي نشره عبر “اليوتيوب” :”النصر تعاقد مع صفقات كبيرة وإحنا مش عارفين نقيد أحمد زكي المهاجم”.
وتابع :”كان فيه اجتماع النهاردة في اتحاد الكرة روحت بنفسي كان فيه جمال علاء رئيس اتحاد الكرة واللواء مشهور والدكتور إيهاب الكومي و وليد العطار واتكلمنا والناس تفهمت الظروف الصعبة اللى الزمالك فيها وتم قيد الثلاثي بالفعل وهيلعبوا يوم الجمعة”.
“هيتعب الأهلي قوى”.. مرتضى منصور يفجر مفاجأة مدوية عن صفقة الزمالك المنتظرة – فيديو
وأوضح :” فاضل أوباما اتحاد الكرة بعت للاتحاد الدولي يستعجل بطاقة أوباما الدولية، وبقول للعيال اللى بتشتم مفيش رئيس نادي يقعد في الحر ده علشان يقيد اللاعيبة مهما كان هما مين”.
شاهد:
