“كنتوا مخبيين الكلام ده فين؟” … إبراهيم فايق في مقدمه ناريه يتغنى بالزمالك وأداؤه أمام الاتحاد المنستيري!!-فيديو

تغنى الإعلامي إبراهيم فايق بنادي الزمالك واداؤه ،وذلك بعد اكتساح الاتحاد المنستيري التونسي برباعيه دون رد في البطولة العربية.

وقال فايق في تصريحات تلفزيونية عبر برنامج جمهور التالته:”يا جماعه هو ده الزمالك اللي مزعل جمهوره ؟ الزمالك اكتسح الاتحاد المنستيري اداء ونتيجه واجوال كلها مزيكا “.

وواصل :”تحس ان اللعيبه باديه البطوله دي بنيولوك ، تحس اللعيبه اتبدلت ، البطاريات اتشحنت في حاجه اتغيرت”.

وتابع :”اللعيبه تحس انها عاوزه تفوق نفسها ، انا كنت فخور ومبسوط ان الزمالك عمل كده وبيلعب بالاداء ده”.

وأضاف :”انا لا اخفيك سرا ان البطوله صعبه والمجموعه صعبه ولكن ناخدها خطوه خطوه ومن حقنا نفرح بالزمالك”.

وشدد :”الجزيري مزيكا و زيزو جول ولا احلى وسيد عبد الله نيمار تحس كده مزيكا في الملعب ، انتوا كنتوا مخبيين الكلام ده فين يا جماعه”.

وأردف :”واضح ان الزمالك عنده رغبه انه يقدم حاجه في البطوله دي وحد يقولي ياعم انت بتبالغ اقوله لا في فرق بين المبالغه والاحتفال ، احنا بنحتفل بالزمالك المصري اللي بيمثل مصر في البطولة”.

وإستطرد :”حصل توافق كبير النهارده بين الاداء المقنع وبين المكسب الكبير وبين النتيجه المستحقه ، النتيجه دي.هتخلي الزمالك يشم نفسه ويشد حيله في باقي البطوله”.

وأتم :”ناخد الدنيا بعقلانية ومنطقيه وكل حاجه ممكنه في الكوره ومفيش حاجه صعبه وان شاء الله الزمالك يحقق حاجه كبيره في البطوله دي”.

شاهد |