مول وإستاد أبرز المشروعات !! أحمد مرتضى يكشف أخر تطورات فرع اكتوبر !!
أكد أحمد مرتضى منصور عضو مجلس إدارة نادي الزمالك أن الأسابيع القليلة المقبلة ستشهد تطورات في فرع ٦ اكتوبر.
حيث اجري أحمد مرتضى منصور لقاء مع قناة الزمالك من داخل فرع ٦ اكتوبر أثناء العمل فيه وقال : بالنسبالي فرع اكتوبر دا حلم ، الفرع يتم تنفيذه من جانب أفضل شركات العالم ، بدأنا تطوير في العمل والخشب بتاع المباني تم استقدامه للموقع .
وشدد : الاسبوع الجاي هنصمم المبني الإداري الرئيسي ، وهنشوف تطورات الفترة المقبلة ، والشركة وعدتني خلال شهور قريبة هنشوف مظهر مختلف تماماً.
وواصل : الاسبوعين الجايين هيكون في تطور أكبر من كدا ، التفاصيل الهندسية هنقولها قريب ، حفرنا عمق ٣ متر ونص وبنعمل اللبشة الأول ، وبعدها هيدخل النجار المسلح يعمل الحاجات بتاع المباني .
وشدد : بشكر المستشار مرتضى منصور ، وبقوله محمد حلمي زامورا عمل فرع الزمالك في جامعة الدول بالستينات ، ومرتضى منصور صاحب الثورة الإنشائية .
واتم : النادي دا في كذا جزء إستثماري وهناك مستشفي متخصصه للجزء الرياضي ، وهيكون في مول في الإستاد و المنطقة تفتقر للخدمات و الزمالك هيكون لي فضل في ارتفاع سعر العمارات في المنطقة.
