طلب مرتضى منصور ، من اللاعبين القتال في البطولة العربية ، مؤكداً أن الفريق يمثل مصر في هذه البطولة ، كونه النادي المصري الذي سيتواجد هناك.
وقال مرتضى منصور خلال جلسته مع الجهاز الفني واللاعبين لدعمهم قبل السفر الي السعودية لخوض البطولة العربية : كان عندنا فريق قوي حصل علي ٢ دوري وكأس مصر واتظلم ، الظلم جه بسبب دوري كورونا وضغط اللاعبين .
وواصل : وكان عندي فريقين فريق قديم اخد البطولات وارهق ، والفريق الجديد من الصفقات الجديدة تم اهمالهم ، حصل الهبوط لهذه الأسباب ، انتم أحسن لعيبه في مصر و الدليل اللي اخدتوها عمر جابر كان لاعب في المنتخب.
معمولك سحر !! .. مرتضى منصور يصدم لاعب الزمالك بسبب تراجع مستواه !!
وشدد : نمرة واحد التزام برا الملعب وجوا الملعب ، مش عاوزين حد يقول فلان خرج من الفندق رايحين تمثلوا نادي كبير في السعودية وعندنا جماهير بالملايين هناك .
واستكمل : احنا واجهنا في السعودية فرق كبار الهلال والنصر والشباب ، أنا فاكر ايامنا كان في واد اسمه جوميز ، الأهلي هرب ولاعبنا الهلال ، تركي ال شيخ قالي قول للولاد ميزعلوش لأن دا اقوي فريق عندنا لو خسروا ميزعلوش فكسبنا ٢/١.
واتم : انتم في قلب السعودية كسبتم ، مش عارفين ندخل فلوس من برا ومحجوز علي ١٠٠ مليون جنية لكن أنا هتصرف واجبلكم فلوس وانتو هناك ، مفيش فريق في مصر اتحمل اللي تحملتوه ، عندنا تجديد بعض اللاعيبة زي صبحي وفتوح عواد ، ننتمي التجديد للكل ، واللي مش عاوز الزمالك ، الزمالك مش عاوزه الزمالك أكبر من الجميع.
