“وفروا علينا التعب”.. شاهد انفعال عمرو أديب على الهواء بعد تأييد حكم عزل مرتضى منصور من رئاسة الزمالك – فيديو
علق الإعلامي عمرو أديب على قرار المحكمة بتأييد عزل مرتضى منصور من رئاسة نادي الزمالك، مشيرًا إلي أنه على الجهات المختصة تفادي إدخال نادي الزمالك في نفق مظلم وعدم استقرار بسبب مسألة بقاء مرتضى منصور أو رحيله.
وقضت المحكمة الإدارية العليا، اليوم الأحد بدائرة فحص الطعون بمجلس الدولة، برفض الطعن على الحكم الصادر بإلزام الدكتور أشرف صبحي، وزير الشباب والرياضة، بإصدار قرار بزوال صفة مرتضى منصور رئيس نادي الزمالك، واستبعاده من مجلس الإدارة.
وقال “عمرو” :” كان في حكم بعزل مرتضى منصور، وبعدين قدم طعن واتقال يمكن ياخد فرصه تانيه نقدم طعن ونشوف، فجاء القرار بتأييد العزل وبعد كل ده الاقي ناس تقول هي ايه فرص مرتضى منصور في الانتخابات الجاية.
وتساءل “عمرو” :” هو لسه في انتخابات جايه ؟ طب ما تقولوا يا جماعه احنا عايزين مرتضى منصور يبقى رئيس الزمالك وخلاص ! قولوا وخلصونا احنا مش عاوزين غيره”.
وأضاف “أديب” خلال تقديمه حلقة جديدة من برنامج “الحكاية” على قناة “إم بي سي مصر” :” بدل ما تدخلوا النادي في صراعات وعدم استقرار ويبقى النادي مهزوز لا الوزاره تطلع تقولي يا عمرو احنا عايزين مرتضى رئيس النادي وخلصونا”.
شاهد:
