وكيل عبد الشافي يكشف كواليس إتخاذ قرار الإعتزال … ومفاجأت مدويه يفجرها لأول مره بخصوصه !!-فيديو

كشف محمد رضا وكيل لاعب الزمالك المعتزل حديثاً محمد عبد الشافي كواليس اتخاذ الاعب لقرار الإعتزال ، مشيراً أن اللاعب ما يهمه هو حب الجماهير وليست الأموال.

وقال وكيل عبد الشافي في تصريحات تلفزيونية عبر برنامج جمهور التالته:”عبد الشافي كان مجهز للقرار من اول الموسم ، عبد الشافي مبيحبش يكون موظف او ضيف شرف او ياخد حاجه مش بتاعته” .

وواصل :”هو لما حس انه مش هيقدر يقدم وحس انه هيبقى تقيل على الفريق خد القرار من نفسه وانا نفسي حزين جدا ، لاعب من قيمه عبد الشافي ميبقاش موجود ده شپ يحزنني ، عبد الشافي مش هيتكرر تاني”.

وتابع :”عبد الشافي لسه عقده فيه سنه مع الزمالك ، مسئولي الزمالك كلموه ولكن هو استخار ربنا وهو قبل اي قرار بيتسخير ربنا وهو ارتاح للقرار”.

وأكمل :”عبد الشافي في ٢٠١٤ لما طلع الاهلي السعودي عشان الازمه الماليه مكنش عاوز يطلع ، هو لا بيدور على فلوس ولا عاوز تأمين مستقبله ولا اي حاجه ، هو كوره للكوره وخلاص”.

وأكد :”لما جددنا العقد في ٢٠٢١ امير عرض عليه انه يزود المبلغ ولكن هو رفض وقال انا اللي معايا مكفيني واتقال ساعتها هو عشان كبير وبتاع ، اقسم بالله عبد الشافي من اسبوعين جاله عرضين من الخليج وهو رفض وقال انا لازم اختم في الزمالك”.

وشدد :”عبد الشافي عمره ما فكر في الفلوس هو عنده حاجات اهم ومبدأه اني العب كوره للكوره” .

وزاد :”عبد الشافي في عز الازمه الماليه في ٢٠١٢ و٢٠١٣ كان بيروح النادي الساعه ٨ الصبح ويروح الساعه ١٢ بالليل عشان يوفر البنزين وكان فري ومضى تاني على بياض للزمالك” .

وأردف :”كان في ناس بتقدر ده لعبد الشافي ولكن في ناس مكنتش بتقدر ده ، اللي بيعدي من جنب الزمالك بيتسفيد منه والزمالك خيره علينا فمش هنركز في اشخاص”.

وإستطرد :”استاذ امير مرتضى كلمنا عشان نظبطله تكريم يليق بتاريخه وان شاء الله بعد البطوله هنرجع ونشوف هيحصل ايه” .

وأتم :”عبد الشافي ملوش في السوشيال ميديا وانا بوصله ردود افعال الجماهير وهو مبسوط جدا بحب الناس ،هو بيعامل ربنا وده راس ماله في الدنيا”.

شاهد |