“صُعقت بسببهم” … مرتضى منصور يكشف مفاجآت مدويه بشأن مديونيات الزمالك لدى اتحاد الكره !!-فيديو

كشف مرتضى منصور عن مفاجأت مدويه بشأن مديونيات الزمالك لدى اتحاد الكره ، مشيراً أنه صعق بسبب كثره المبالغ المستحقه على الزمالك خلال الفتره المقبله.

وتواجد مرتضى منصور اليوم في مقر اتحاد الكره من أجل تسجيل القائمه الأوليه للزمالك في الموسم الجديد ، ليفاجئ بالمديونيات الكثيره على الزمالك.

وقال مرتضى منصور في تصريحات عبر مقطع فيديو بثه على صفحته الشخصية:”انا جيت النهارده اشوف مديونيه الزمالك عند اتحاد الكوره ، طلعت ٦٣ مليون جنيه ، فجينا نقيد القايمه الاولى اللي بتبدء بمحمد عواد ، القيد واقف بسبب سبورتنج لشبونه حوالي ١.٤ مليون دولار ، وعندنا أتشيمبونج برضو مبلغ كبير”.

وواصل :”انا طبعا حاولت مع اتحاد الكوره عشان اسجل الولاد وعرفت اتصرف في ٣٠ مليون ، اللي بيقول بقا فين فلوس امام عاشور ، اي واحد بس هيقول اني خدت عموله انا وولادي ، هقدم طلب للمدير المالي بالزمالك اني عاوز التبرع بتاعي اللي عامل حوالي ٣٠ مليون جنيه ، مش معقول نبقى احنا اللي بندي للنادي ويتقال كمان انتوا بتاخدوا”.

وتابع :”الفتره اللي فاتت دي جمعت ٨٠ مليون عشان الفرق الرياضيه والمرتبات ومرتب المدير الفني ، بلاش حد يتكلم في الذمه الماليه ، محدش عندنا بياخد احنا اللي بندفع”.

وأكمل :”لو سألت المدير الرياضي احمد عبد الدايم هيقولكوا احمد وامير بيدفعوا ايه، المهم عشان نختصر انا اتصرفت وقبضت الموظفين واتصرفت كمان في ٢٠ مليون عشان نقبض المدير الفني “.

وشدد :”انا سايب النادي فيه ٢١ مليون جنيه ، ابعتوا جزء لاتشيمبونج وجزء للمدير الفني “.

وأتم:”انا صعقت بكم المبالغ الي على الزمالك علشان اقيد القايمه الأوليه . انا خارج المشهد من بعد ماتش بكره ، وبعد الماتش انا مسافر”.

إقرأ أيضاً|