“عايز أساعد معاكم”.. أحمد مرتضى يكشف أول مستجيب من نجوم الزمالك السابقين لمبادرة لم الشمل – فيديو

كشف أحمد مرتضى منصور القائم بأعمال رئيس الزمالك، عن تفاصيل مكالمة جمعته مع طارق السيد نجم الفارس الابيض السابق، بشأن المبادرة التي اطلقها مرتضى للم شمل كل رموز النادي.

وقال أحمد مرتضى منصور في تصريحات تليفزيونيه ببرنامج “زملكاوي” عبر قناة “الزمالك”:”امبارح اطلقت مبادره من منطلق قوه، احنا لا مجلس بالتعيين ولا لجنة انا مجلس ادارة منتخب باكبر جمعيه عموميه، ولاخايف ولامرعوب ولامستني حد يطبطب عليا بقولهم طبطبوا على الزمالك”.

وأشار:” مرتضى منصور مشي بمزاجه، وقال بعمل مبادره للجميع، وقلت اسماء رموز كتير ومذكرتش الاسم ده، ويقول شروط انا اللي اطلقت المبادره ومش طبيعي تحط شروط علشان تقعد معيا، وانت موجود انا اللي كنت بجيب فلوس ولعيبه، ومنساش لما جبت عرض لعبدالشافي بـ300 الف دولار وقولتلك قليل، وانا جبت عرض ثاني و اعارته انا بمليون و200 الف دولار”.

وأكمل مرتضى:” مبادرتي ليس معناها ضعف، ولكن لازم الاجواء تكون سليمه وصحيه علشان نقدر نشتغل، واولها بقول لولاد النادي نفتح صفحه جديده، حضرتك نزلت الانتخابات وسقطت والناس مقتنعنش بك واقتنعت بيا انا ومجلس الادارة”.

وواصل: “متخلوش المبادرة تموت قبل ماتبدأ، وبالفعل ناس استجابت للمبادره، وطارق السيد كلمني وقال عاوز اساعد معاكم واجي النادي، لكن لو انت عاوز الكرسي بتحط شروط ونقي لي الكشوف علشان الناس تعرفني، انا في المكان ده بدون شروط وقولت هنحط ايدينا في ايد بعض”.

وأستأتف:” مش عاوز اتكلم كتير على مرتضى منصور حلمي وانا عندي10 سنين كان قناة للزمالك واقعد على كرسي كويس في النادي مرتضى عمل كل ده وحلمي كان احصل على بطوله في كرة اليد بكلمك على واحد متربع في كل البطولات، و10 سنين كلهم خير للزمالك”.

وأستطرد:” اعتبروني مش اسمي احمد مرتضى مادام مشكلتك مرتضى اعتبروني اي واحد في المجلس، لكن المجلس بادر باسم رئيسه واناقائم باعمال في انتخابات وممكن مرتضى ينزل، نيتي كانت واضحه ومش عاوزين شروط”.

وأستكمل مرتضى: “لما مدرب يكلم على الإداره معناه ان حاجه اتكسرت في الزمالك، وممكن تزعلوا من كلامي ولكن عمرها ماحصلت في الاهلي ان لاعب اومدرب يكلم على الإدارة”.

وأختتم:” لومش هتمشوها بالاصول لوجبنا مليار مفيش حاجه هتتصلح، ارجو من الجميع صفحه واتقفلت وكل الناس في طريق واحد الزمالك غني بفلوسه وولاده واصوله ومدربه وجماهيره واعضاءه مش محتاج حد يحط شروط، انا همشي و الزمالك باقي بجمهوره واعضاءه”.