محمد رضا بوبو يفتح النار على مسؤولي فيوتشر: “أكلوا حقي وحسبي الله ونعم الوكيل”!!

شن محمد رضا بوبو لاعب فيوتشر السابق والمنضم حديثًا لفريق بيراميدز، هجومًا حادًا على إدارة نادي السابق، بسبب عدم حصوله على مستحقاته.

وكتب بوبو عبر صفحته الشخصية بموقع التواصل الاجتماعي “فيس بوك”: “خلاص مبقيتش قادر اصبر اكتر من كده بصراحه حته لو العواقب كتير ولو هيحصل اي المهم اهدي النار الي جوايا شويه عشان اكون حته ارتحت من جوايا وكده كده ربنا موجود وهيجبلي حقي”.

وتابع: “نا كنت خلصت وجالي اتصال تعالا ضروري النادي عشان تمضي الاستغناء بتاعك عشان خلاص انت مشيت قولت حاضر وركبت عربيتى وطلعت علي النادي. الساعه 11 بليل الناس قبلتنى ف النادي وقالولي عامل اي يارضا عايزينك تمضي ورقتين ورقة مخالصة والاستغناء قولتلهم الاستغناء حاضر همضي مفيش مشكله امال اي الي يخليني امضي مخلصه وانا ليا4 مليون. 200 الف جنيه”.

اقرأ أيضًا | خاص بالتفاصيل المالية| رحيل ثنائي الزمالك.. أحدهما بيع نهائي والأخر إعارة

وأضاف: “في واحد لاداعي لذكر اسمه لانه ده ميعرفش ربنا طبعا قعد يكلمني ولازم تمضي ولازم تمضي اقوله ازاي ياكابتن امضي مخالصة وانا ليا فلوس قولت مش همضي ومشيت ومضيت علي الاستغناء جالي اتصال امضي وانت فلوسك عندي ومتقلقش امضي وانت وزملائك الي ماشييين هنيجي ونسلم عليكم وتاخدو الشيك بالدولار زي باقي الفرقة ونشكركم اكيد يعني قال اه امضى بس”.

وواصل: “اتفقت مع الاتنين الي كانو معايا عشان كنا متفقين اننا هنعمل كل حاجه بالإتفاق مع بعض فاقالو هنضمي كلنا ونروح التلات ناخد الفلوس مضينا علي الورقه ومكناش مدين اي خوانه لحاجه جه يوم التلات لقينا اللعيبه كلها صحبنا الي ف الفرقه طلعلهم فلوس وكل واحد شيك ماعدا احنا التلاته والتلاته المعاريين الي مشيو من النادي”.

وأردف: “اتصلت بالشخص ده قولتلوً الشيك بتاعنا امته قالي بليل ف ناس الصبح وف ناس بليل وانت بليل قولتلوً ماشي جه بليل كلمتو قالي الصبح فضلت علي الحال ده كل يوم يوم يقولنا التلات الجاي ييجي التلات يقول الاسبوع الجاي ييجي الاسبوع الجاي يتقال بكرا كمان يومين علي الحال ده”.

وأوضح: “في حد مشكور طبعا بدون ذكر اسمو قالي انا بحبك وانت اخويا الصغير لو انت مفكر انك طلعلك فلوس يبقا بتحلم مصدقتيش وقولت لا اكيد الفلوس هتطلع الناس كلموني وقالولنا الفلوس عندنا وانا مصدقهم ومعايا بس من الواضح ان مفيش فلوس جايه ولا اي حاجه”.

واستمر: “علي العموم حسبي الله ونعم الوكيل ف كل واحد اكل حقي وتعبي الي شقيت فيه سنتين تعبت وسفر هنا ولعبنا افريقيا وخدنا بطوله وطلعنا مركز رابع سنتين يعني الحمدالله مقصرتيش ف حاجه بس فكرت ان حد ياكل حقك ف دي صعبه عليا اوي وانا زعلان لان مشفتيش التقدير انا. اتبعت انا وصحابي وحلينا ازمه للنادي برقم كبير يعني انا ممشيتش ببلاش ولا مكنتش بلعب ولا مكنتش مساهم ف ده كله عشان تاكل حقي بلطريقه دي”.

واسترسل: “انا عارف الكلام ده هيضايق ناس بس دي الحقيقة انا ليا حق وعلي حق وانا عمري ماكنت بخاف من اي حاجه. بس اذاي بتعرف تنام تحط دماغك علي المخده وانت اكل حق وشقي واحد طلع عيونو عشان يجمع رقم ذي ده وانت عايز تاكلو عليه بكل سهوله كده”.

واختتم: “انا مكلمتيش حد من الصحافييين صحابي والي اعرفهم انهم ينزل الكلام علي لساني انا حقي عند ربنا وربنا هيجبهولي اضعاف وانا متاكد لاني مقصرتيش ف حاجه وربنا يعلم كده انا من جوايا ارتحت”.