“مريض شهره وبتضحك على الناس”… مرتضى منصور يُفحم محامي الهارب كهربا .. ويكشف بالتواريخ موعد إيقافه مجدداً!!-فيديو

رد مرتضى منصور رئيس الزمالك المعزول والذي أعلن رحيله عن الزمالك وابتعاده عن المشهد الرياضي على أشرف عبد العزيز محامي الهارب كهربا ، مشيراً أن اللاعب سيتم ايقافه مجدداً في منتصف سبتمبر المقبل.

وكان محامي الهارب كهربا قد أثار الجدل حول موقف الهارب كهربا من الإيقاف ، ليعلن مرتضى منصور موعد ايقاف اللاعب مجدداً.

وقال منصور في فيديو بثه على صفحته على موقع “يوتيوب”:”بالنسبه لاشرف عبد العزيز انت شكلك مريض بالشهره مع انك جيتلي المكتب معرفتش تحل ازمه شادي محمد مع زوجته السابقه وانا اللي حليتهالك”.

وواصل:”يا استاذ اشرف انت راجل شعبي بتنزل مجلس النواب ، متخسرش اصوات الزملكاويه عشان خاطر احمد موسى والكلام بتاع مش هندفع ونتقابل في شهر ٩ والكلام ده” .

وتابع:”انتوا قولتوا عقد كهربا مزور ، طب انا مثلا عندي علاء مقلد جاب ١٠ مواد ض.ج ولقى امه عامله حفله هتعمل حفله ليه ؟ هيولع في البيت “.

وأكمل:”انت قولت انت كهربا عقده مزور وفالاخر مطلعش كده يبقى اول ض.ج ، بعدين قولت الغرامه هتبقى بالاشتراك بين كهربا والنادي بتاعه وطلع غلط يبقى تاني ض.ج ، بعدين قولت هيلعب مش هيتوقف واتوقف يبقى تالت ض.ج يخربيتك ده كله ض.ج امال انت بتحتفل وبتهلفط ليه ؟” .

وأضاف:”وبعدين انت جي تقلدني وتقول كهربا صفقه القرن يبني انا خدت عبد الله السعيد من قلب الاهلي بطريقه قانونيه مش كوبري في عزه ، وبعدين كهربا انا كسبان من وراه ١٨٠ مليون جنيه يبقى صفقه القرن لينا”.

وأتم:”يا اشرف انا بحترم العلاقه بيننا بس يوم ١٥-٩ هيتوقف يا اما يدفع متضحكش على الناس”.

شاهد |