بشير التابعي يدافع عن أوسوريو بعد المطالبة برحيله عن الزمالك.. “مظلوم وسيبوه في حاله”!!
دافع بشير التابعي لاعب الزمالك السابق، عن الكولومبي خوان كارلوس أوسوريو المدير الفني للفارس الأبيض بعد مطالبة البعص بضرورة رحيله عن تدريب الفربق.
وقال التابعي في تصريحات تليفزيونيه ببرنامج “اللعيب” عبر قناة “mbc مصر”:” مباراة ارتا سولار سهله وصعبه والزمالك قادر ومش قادر، بسبب الظروف الصعبه التي يمر بها النادي، ومش عاوز جمهور الزمالك يزعل لكن النادي محتاج فتره استشفاء 5 سنين حتى يعود للفوز بالبطولات،
وتابع: “أوسوريو مظلوم لانه بيشتغل في ظروف صعبه، احنا بنكلم من بره هو عارف امكانيات كل اللعيبه والكل عامل جهابزه”.
وشدد التابعي:”أوسوريو عارف مصلحة الفريق ومحدش عاوز يمشي غلط، ولو بيشتغل في ظروف تانيه كان الوضع اختلف، ولو انتم شايفين انه غلط سايبينه ليه؟”.
واودف:”جمعتني مكالمه مع احد اعضاء الجهاز الفني للزمالك قالي مبناخدش فلوس، طيب بيوفروا فلوس ازاي للمدرب”.
وأختتم:” اوسوريو مدرب كويس وياريت الناس تسيبه في حاله، اتعادل ماتش المقاولون بكورنر اتلعب في الدقبقه 9 هينزل يعمل ايه، الزمالك قادر يفوز على ارتا سولار”.
