أكد شوقي غريب الندير الفني للمقاولون العرب، إنه لن يتهاون في معاقبة أحمد علاء مدافع الفريق بعد إستفزازه جماهير الزمالك والإحتفال بشعار الأهلي بعد إحرازه هدف التعادل، في المباراة التي اقيمت اليوم ضمن منافسات بطولة الدوري.
وقال شوقي غريب في المؤتمر الصحفي عقب المباراة: “بحيي لاعبي الفريق على الأداء النهارده، وهما نفذوا كل اللي قولته حتى لو مكنتش سجلنا هدف التعادل، كنت هقول نفس الكلام”.
واضاف:” الزمالك النهارده بيلعبوا وهما مريحين بعض اللعيبه علشان عندهم مباراة مهمه يوم السبت في الكونفدرالية وبتمنى ليهم التوفيق لأنهم بيمثلوا مصر ”
وبشأن لقطة احتفال احمد علاء بشعار الأهلي؟ قال غريب: “أحمد علاء هو اخو محمود علاء لاعب الزمالك الحالي وصعب جدا أنه يكون قاصد يستفز جماهير الزمالك، أنا مشوفتش ولكن لو ثبت أنه عمل كده هيتعاقب لأنه مينفعشي لاعب يعمل حاجه زي دي وخصوصاً أنه لاعب في المقاولون العرب والأمور دي عندنا مفيهاش هزار”.
