عمرو أديب ينفعل على الهواء بسبب الأوضاع داخل الزمالك ..” اشمعنى الأهلي عنده فلوس زي الرز” – فيديو
تحدث الإعلامي عمرو أديب عن الأوضاع الحالية داخل نادي الزمالك مشيرًا إلي أن القلعة البيضاء تعاني من عدة أزمات متلاحقة بخلاف النادي الأهلي الذي تسوده حالة من الاستقرار والهدوء
وقال “عمرو” :”انتخابات نادي الزمالك المقبلة فارقة في تاريخ نادينا، يفوز من يفوز ولكن الأهم بالنسبة لنا عودة النادي لطبيعته”.
وأضاف “أديب” خلال استضافته في برنامج “الحكاية” على قناة “إم بي سي مصر” :”نريد أن نكون الزمالك ناديًّا طبيعيًّا زينا زي أي نادي في مصر وأحسن من أحسن نادي في مصر”.
وتابع :”مفيش أي مبرر أن نادي الزمالك يعاني أو نسمع أن العاملين واللاعبين ما خدوش فلوسهم، وده النادي اللي محلات ورعايات والثعلب فات، مافيه نادي تاني اسمه الأهلي زي الفل والفلوس فيه زي الأرز والرعايات ضعف الزمالك وعنده 3 فروع وبيبص علي الفرع الرابع والزمالك لسه بيفكر في الفرع التاني”
وتساءل “عمرو” :”هل نجومية الزمالك أقل من الأهلي، فيه ناس واصلة ان فيه مؤامرة أن النادي يفضل متكعبل على طول، لأ مفيش مؤامرة ولا حاجة، بيراميدز بيحاول ياخد مكان الزمالك وتبقى المنافسة الأهلي وبيراميدز وده مش هينفع ولا هنقبل بيه”.
وأكد “أديب” :”نادي الزمالك بقاله سنين بيعاني وبيطلع من نقرة يقع في دحديرة كفاية دحادير بقى”.
وأختتم “عمرو” :”الزمالك مش موجود علشان تتنازعه الأيادي وناس تخلص فيه حسابات ولا يبقى ملك عائلات تحكم فيه ولا موجود علشان يبقى في المحاكم، ولكن علشان يكون في مصلحة البلد”.
شاهد:
