بعد ارتباط اسمهما بالأهلي.. دونجا يطمئن جمهور الزمالك بشأن مستقبل فتوح وزيزو مع الفريق!! – فيديو
أكد نبيل عماد دونجا لاعب الفريق الاول لكرة القدم بنادي الزمالك، أن الثنائ فتوح وزيزو مستمرين مع الفارس الابيض، وذلك في ظل انتشار اخبار برغبة الأهلي في ضمهم.
وقال دونجا في مداخله هاتفيه ببرنامج “اللعيب” عبر قناة “mbc مصر”:” عمري ماكتبت حاجه شخصيه في الاكونت ولانزلت حاجه وجهتها لحد، قصة رقم 8 اللي لبسته مش علشان خاطر امام عاشور، لبسته علشان رقم طارق حامد “.
واضاف:” انا اقدم من امام عاشور ومش مهتم بالقصه دي وهو اخد طريقه وفي دنيته، لكن انا شيرت حاجه لواحد من جمهور الزمالك كاتب افضل رقم8 ومنزل صورتي”.
وتابع دونجا:” كلنا كنا وحشين الموسم الماضي هل اتكلمت؟ لا انا لا اوجه حاجه لحد ولا اتكلمت ولامهتم بالموضوع، يعني ايه عملت شعري علشان امام عاشور عمله، لا انتم بتهزروا اكيد انكم بتكلموا كده، في لعيبه بالاهلي حبايبي وبقعد معهم”.
وأشار:” فتوح زملكاوي وعاوز يكمل وشايف انه هيكمل وبيحب الزمالك وجمهوره، وبيقدر الجمهور وحتي زيزو كان ممكن يمشي ولكنه تمسك بالفريق، والجمهور بيقدم تحيه كبيره لزيزو وفتوح علشان عارفين انهم ضحوا ومستمرين في الزمالك “.
وواصل دونجا:” فتوح وزيزو اخواتي واكتر ومليون٪ فتوح مكمل في الزمالك، وشايف ده منه في الملعب وبره الملعب وهو وزيزو مكملين في الزمالك، والامور الشخصيه دي بينه وبين الادارة، وبوعد الجمهور اننا نكون غير وبدون مشاكل ونعمل حاجه لينا ولهم وبشكرهم علي دعمهم وعاوزهم في كل ماتش”.
وأختتم:” مفتقد عبد الله السعيد وان شاء الله اتمني يتواجد في الزمالك وكان مرحب بالانضمام للزمالك ولوفي نصيب هيكون اضافه، محمود علاء اخونا واعتذر لنا واي حد بيغلط طبيعي وطالما في لايحه بتطبق واي لاعب بيلغط في اي مكان”.
