رسالة ناريه من قناة الزمالك للاعبي الفريق وأوسوريو بسبب تراجع الأداء.. “لازم نركز ياكباتن”!!

وجه طارق يحيى مقدم برنامج “زملكاوي” عبر قناة الزمالك، رسالة ناريه للاعبي الفريق وللكولومبي خوان كارلوس أوسوريو المدير الفني للفارس الأبيض بسبب تراجع الأداء الفترة الأخيرة.

وقال يحيى في تصريحات تليفزيونيه عبر قناة “الزمالك”: “كل الجماهير زعلانه بسبب فريق الزمالك، ورأت فارق كبير بين مباراتي سموحه وإنبي، لو اتكلمت فني ناس كتير هتزعل، ولكن هتكلم في العام، خسرنا 7 نقاط من اصل15نقطة، وهذا امر سيئ وغير مقبول من السبب؟، الكل المدرب واللاعبين”.

وتابع:” ازاي الزمالك المنافس على بطولة الدوري يخسر 7 نقاط وده كتير وغير مقبول، لاعبينا فين؟ لما اخسر 7 نقاط كثير جدا، اتعادل مع المقاولون واخسر من انبي مع احترامي لهم”.

وشدد يحيى: “مقبول نتعادل مع بيراميدز لكن نقط كثيرة بنخسرها، لو كنا اخدنا هذه النقاط كان الزمالك اول، ده الطبيعي اننا نكون اول دوري، لازم نركز شويه يا كباتن ونشد حيلنا، هناك مشاكل في الملعب ومش هقولها علشان محدش يزعل، بس لازم تتحل ولازم نثبت التشكيل وطريقة اللعب، العالم كله مثبت تشكيله ولما حد بيخرج لسبب ندخل لاعب بديل”.

واشار:” بحاول انتقي الفاظي في ناس عندنا اتنسوا في 2 مهاجمين انت خسرتهم الماتشات اللي فاتت، مينفعش اكون مغلوب وانزل لاعبين في الدفاع، عاوزين نكسب ونفرح انما النظام ذه مش هينفع هيبقى صعب علينا وعلى جماهيرنا”.

وواصل يحيى:” جمهورنا ضرب مثال في الوطنيه ودعم اخواتنا في فلسطين بس برده زعل علشان الفريق خسر من إنبي”.

وأختتم: “انا لدلوقتي مش قادر اصدق اننا خسرنا من انبي، المفروض الفريق المنافس مقفل انا مدرب عالمي يكون عندي حلول واكون محضر اتعامل ازاي مع الكتل الدفاعيه، ارجو اصلاح الوضع قبل فوات الاوان، المفروض منفقدش نقط تانية لاننا خسرنا نقط من فرق في المتناول ولازم الفوز على زد”.