أكد هشام يكن نجم الزمالك السابق، انه يجب رحيل سامسون اكينولا وإبراهيما نداي عن صفوف الفريق الأول لكرة القدم بالنادي، وارشح خالد جلال لتدريب الفارس الأبيض.
وقال هشام يكن في تصريحات تليفزيونيه ببرنامج “اللعيب” عبر قناة”mbc مصر”: “فتوح ابن من ابناء الزمالك، ولازم يراعي الزمالك هو اللي عمله، وبلاش مغالاة في طلباته الماليه، وملعبش باي كروت وأساوم بالأهلي، واقول ان ممكن امشي”.
وأضاف:” جمهورك بيحبك، وازاي متربي في الزمالك واساومه اطلب فلوس اه لكن بالمعقول، ويجب وضع سقف مالي ولانتخطاه”.
وشدد يكن:” لابد من رحيل سامسون ونداي عن الزمالك، في لاعب محترف يقعد احتياطي؟”.
وأختتم:” اوسوريو عنده لخبطه، والاوراق اللي معاه مش كويسه، واللاعبيه محتاحه شغل ومشوفتش شغله, لو في لاعب مقصر في التدريب يعالج ده ولازم يحسن من مستوى اللعيبه، وارشح خالد جلال وابناء النادي لتدريب الفريق او محمد حلمي، اما حسام حسن لا، الزمالك محتاج هدوء وخالد جلال هادئ وحقق نجاحات مع النادي”.
