خالد بيومي يصدم ستوديو قناة أبوظبي عن السبب وراء خروج الأهلي أمام صن دوانز وسط دهشة يعقوب السعدي وسيد عبدالحفيظ – فيديو
صدم المحلل الرياضي خالد بيومي، ستوديو قناة أبوظبي الرياضية بحديثه عن السبب وراء خروج الأهلي من الدوري الإفريقي في نصف النهائي أمام صن دوانز الجنوب إفريقي.
وودع النادي الأهلي بطولة دوري السوبر الإفريقي من دور نصف النهائي أمام صن دوانز الجنوب إفريقي الذي فرض عقدته بعد خسارته للمرة السابعة على التوالي أمام الأحمر.
وقال خالد بيومي : ” لدي سؤال هام في الأول، كام بطولة حققها كولر في مسيرته التدريبة بشكل عام قبل أن يتولى تدريب الأهلي؟ ”
وأضاف: ” لما يجيي مع الأهلي ويحقق 5 بطولات في بدايه مشواره مع الأحمر، لإنه كان جعان كورة، ودلوقتي شبع”.
وتابع: ” اه كولر يتحمل خروج النادي الأهلي من الدوري الإفريقي بسبب التشكيل الذي خاض بيه في الذهاب أو الإياب أمام صن دوانز”.
وواصل: ” لكن السؤال الأهلي اللي عنده إدارة ولجنة كورة ولجنة تسويق وشغال، مش قادر خلال 7 أو 8 سنين يتعاقد مع مهاجم قوي، الأهلي شغال اخر فترة على ردود الأفعال”.
وشدد:” الأهلي محتاج تخطيط ونظام، الأهلي مش شغال كده دلوقتي خالص، وبقى شغال على رد الفعل، وده الخطأ الأكبر وسبب أزمات الأهلي المتكررة”.
وأتم:” أنا مش عايز اظلم مودييست خالص، لان المشكلة مش فيه، دي مشكلة الإدارة في النادي الأهلي، الفكرة مين اللي اتعاقد معاه ومين اللي اتعاقد مع سافيو ورحل سابقا”.
خالد بيومي: كم بطولة في تاريخ كولر قبل الأهلي؟ المدرب كان “جعان كورة” والآن شبع
هل يُعقل أن يعجز الأهلي عن التعاقد مع مهاجم أكثر من 7 أو 8 سنوات؟
ليست مشكلة موديست.. لو عرض عليّ الأهلي مليونين مقابل اللعب في الفريق لوافقت#الأهلي_صنداونز#الدوري_الإفريقي_لكرة_القدم pic.twitter.com/SDjWnO91vX
— قناة أبوظبي الرياضية (@ADSportsTV) November 1, 2023
