عاد مرتضى منصور رئيس الزمالك المعزول، مرة أخرى لإطلاق تصريحاته العنتريه، وهاجم حسين لبيب رئيس الفارس الأبيض الحالي ومجلس إدارته، وذلك على خلفية تواجده في المحكمه لنظر الدعوى المقامة لبطلان إنتخابات النادي.
وحضر مرتضى منصور اليوم جلسة الطعن المقام من ماجد الحنبلي المرشح السابق على منصب رئيس الزمالك في الانتخابات الماضية، وأخرون ضد إنتخابات الفارس الأبيض، واختصمت عدة جهات وشخصيات من بينهم وزير الشباب والرياضة ومرتضى منصور.
وقال مرتضى منصور في تصريحات صحفية اليوم: ” مش انا اللي رافع الدعوى انا مدعي عليه فيها، ولكن اللي بيحصل في الزمالك زي غزة بالظبط، في تحرش ومخدرات وقلة ادب وكلهم عيال نصابه بيهرجوا، وقالوا بنجهز الملفات من3 شهور وسمعت لاضرايب ولاتأمينات ونفس كلام2020 “.
وتابع:” هل سمعتوا لما ضحكوا على الناس وقالوا القيد هيترفع، ممدوح عباس ركب الزمالك وهنرجع لاسود ايام والعشرية السوداء”.
وأضاف منصور:” مش عاوز اتكلم لإن في قضيه ومرفوعه عليا، و انا ثقتي في القضاء لاحدود لها، وقولت للدائره الموقرة لوشوفتوا الفيديوهات وقت الإنتخابات ظهر فيها الأولتراس، وفي منهم 2000 واحد كانوا موجودين في النادي وقت الإنتخابات”.
وأردف: “الأولتراس كانوا موجودين، وضربوا هشام يكن والدكتوره ميرفت سيد أحمد، والحسيني سمير واعضاء النادي، حتى رئيس اللجنه قاله لو مطلعتش البلطجيه بره ياحسين يالبيب هلغي الإنتخابات”.
وشدد منصور:” مفيش اجراءات سليمه في إنتخابات الزمالك، ورافعين عليا انا قضيه ببطلانها، واستبعدوا 35 الف عضو لهم حق التصويت بسبب عدم تسديد الإشتراكات وقدمت مستند إنهم دفعوا أخر سنه”.
وواصل:” مين عماد ده اللي دعى للإنتخابات، والرجل اللي اخد 5 شاليهات بدون وجه حق اللي اسمه أحمد عبد الوكيل والوزير نقله اسيوط بناء على بلاغ الرقابة الإدارية لوزير الرياضة، ورجعه يشرف على الإنتخابات، وموظفه عنده بتقول لرئيس اللجنه نجح ده علشان غلبان وصرف كتير”.
وأختتم: “دي مش انتخابات، وهم عارفين فيهم 6 أو7 مشطوب عضويتهم، ونيره الأحمر بتقبض من القناة والنادي بيدفع 40 مليون جنيه مرتباتهم يبقى ممنوع تترشح للإنتخابات”.
