الأهلي عنده حظ القرن .. أسامة حسني يرد علي تصريحات عمرو أديب بعد الفوز أمام سيراميكا كليوباترا – فيديو

رد أسامة حسني الإعلامي بقناة الأهلي علي تصريحات عمرو أديب مقدم برنامج الحكاية ، بأن الأهلي انتصر أمام سيراميكا كليوباترا في الدقائق الأخيرة بالحظ.

كان قد قال عمرو اديب عقب المباراة : النهارده طلع عليا حاجة عمال بقول حسبى الله ونعم الوكيل، قاعد بتفرج على ماتش الأهلى وسيراميكا وفى الدقيقة 95 كالعادة، كورة لو اتلعبت مليون مرة مش هتتكرر.

وواصل : إمام عاشور عدى من خرم إبرة وخد الباك فى ظهره، ولعب الكورة راحت خبطت فى العارضة وفى مدافع سيراميكا ودخلت جون والأهلى كسب، ده مش نادى القرن ده عندهم حظ القرن، الأهلى خد كل الحظ اللي فى القرن.

ورفض أسامة حسني تصريحات عمرو أديب ، قائلا : الحظ أو التوفيق مبيجيش إللي للمجتهد ، الأهلي رغم الإرهاق بيحاول بكل الطرق يسجل وفيه روح كبيرة.

وشدد : الأهلي سجل كعادته في الدقائق الأخيرة ، وكان فيه روح كبيرة وقتال من اللاعبين ، وكولر نشط النواحي الهجومية.

وأتم : شوف احصائيات المباراة ، زي الاستحواذ والمحاولات وانت تعرف المجتهد واللي بيحاول ، والأحق بالفوز.

شاهد الفيديو