“4 أسباب” .. شوبير يعلن تخوفه على الهواء قبل لقاء الأهلي وشباب بلوزداد – فيديو
أبدى أحمد شوبير تخوفه وقلقه قبل ساعات من مواجهة الأهلي المنتظرة أمام شباب بلوزداد في الجولة الثالثة من دور المجموعات لدوري أبطال أفريقيا.
ومن المقرر أن يستقبل النادي الأهلي نظيره شباب بلوزداد مساء يوم الجمعة في السادسة مساء على ستاد الجيش ببرج العرب.
وقال أحمد شوبير خلال تصريحات إذاعية صباح اليوم الخمي: “قلقان من مباراة الأهلي وشباب بلوزداد لعدة أسباب مختلفة “.
وواصل : ” أولا توقيت المباراة بالتزامن مع نوة قاسم والأمطار، والدنيا هناك بتبقى صعبة اوي اوي لو فتحت في الأمطار وممكن ده يتسبب لأزمة كبيرة للأهلي”.
وتابع : ” معرفشي ليه كولر أصر على إقامة المباراة في برج العرب، لكنه قراراه وهو المسؤول عن اختياره الفني “.
وأضاف: ” الأمر الثاني هو اجهاد اللاعبين من السفر، هتقولي ده برج العرب ساعه ونص، هقولك أه ساعه ونص لكن التنقل من القاهرة لبرج العرب قبلها من تنزانيا بيعمل حالة من الملل “.
وشدد: ” الأمر الثالث بقى مش عايز حد يطلع يقولي أرضية الملعب، ده انت اللي مختار ارضية الملعب ونقلت المباراة بسببها، خوفي بس لو في مطر “.
وأكمل : ” الأمر الرابع هو خوفي وقلقي من عدم حضور جمهور الأهلي لستاد الجيش ببرج العرب، وده هيكون أزمة كبيرة، لان حضور الجماهير بيفرق أوي معانا “.
وأتم : ” فاكرين لما جمهور الأهلي لما راح في مباراة الوداد وقبلها الرجاء، كسبنا البطولة، ومينفعشي نبص على الدوريات حوالينا نلاقي الجمهور مقفل الملعب ونبقى إحنا مصر اللي اخترعنا الدوري في المنطقة نلاقي الملعب فاضي “.
شاهد :
