احمد موسي يفتح النار على لاعبى منتخب مصر عقب توديع أمم أفريقيا : هي ناقصاك انت كمان ؟؟ – فيديو

شن الإعلامي أحمد موسى ، هجوماً على لاعبي منتخب مصر عقب توديع بطولة أمم أفريقيا أمس امام الكونغو الديمقراطية في دور ال 16 .

حيث قال احمد موسي مقدم برنامج علي مسئوليتي عبر شاشة قناة صدى البلد الفضائية : الدولة لم تتأخر علي الإتحاد المصري والمنتخب، واخدين كل حاجه ، كل طلباتهم مجابه .

وشدد : امبارح مش قادرين يجروا وبيشوطوا الكرة كأنها تقيلة ، الجول الأول دا ميجيش فيك دا يجي في مركز شباب ، ياراجل دا انت تنكسف ، هو دا منتخبنا ؟ كل ثانية بسأل هو دا منتخبنا ؟ والله دا ما منتخبنا .

واضاف : انا شخصياً من 2010 مشوفتش كورة مشفتش منتخب، شوفتوا عملنا ايه في البرازيل وايطاليا ؟ نعمل ازاي منتخب زي ده، نكتشفه إزاي .

وأتم : اللعيبة مش لاقية حد يشخط فيها علي الخط ، واحمد فتوح نزل اتصاب وطلع ؟ طب هو ايه اللي حصله ؟ دا لسه نازل ، ومحمد حمدي رايح يتطرد ، هي ناقصاك انت كمان ؟؟ اللي اداهم الصعود هو محمد ابوجبل.

شاهد الفيديو

وودع أمس منتخب مصر بقيادة روى فيتوريا، بطولة أمم أفريقيا بعد الخسارة 8 / 7 بركلات الترجيح أمام الكونغو الديمقراطية، فى المباراة التى جرت بينهما فى ثمن النهائى.

وانتهى الوقتان الأصلى والإضافى بالتعادل الايجابى 1 / 1 بين منتخبى مصر والكونغو الديمقراطية، قبل أن يلجأ المنتخبان لركلات الجزاء الترجيحية.