رسالة نارية من فايق للاعبي المنتخب قبل مواجهة كاب فيردي..”لو مكسبناش نروح نفتح مسمط أحسن” – فيديو

طالب الإعلامي إبراهيم فايق لاعبي منتخب مصر بضرورة تحقيق الفوز على كاب فيردي في ختام منافسات دور المجموعات ببطولة كأس الأمم الإفريقية من أجل ضمان التأهل للدور المقبل في البطولة.

وكان منتخب مصر قد تعادل مع نظيره غانا بهدفين لكل منتخب في المباراة التي جرت مساء أمس الخميس، على ملعب فيليكس هوفويت بواني، ضمن لقاءات الجولة الثانية من المجموعة الثانية ببطولة كأس أمم إفريقيا.

وقال “فايق” :”عندنا ماتش مع كاب فيردي يوم الاتنين لو مكسبناش نروح نفتح “مسمط ونبيع مخ وسمين وكبده أحسن” إنما مش هيكون فيه كوره بعد كده”.

ووجه “فايق” رسالة للاعبي منتخب مصر قائلا :”حسبوا بينا مش كده يا جماعة، انتوا مش فرقه في الدوري ولا بتلعب في إفريقيا، انتوا منتخب مصر عيب بقى كل الفرق رجعت في البطولة وأصبح ليها بصمه إلا إحنا أمال نتراجع”.

وأضاف “فايق” خلال تقديمه حلقة جديدة من برنامج “القاهرة – أبيدجان” على قناة “أون تايم سبورتس 2 ” :”انتوا مش بتفكروا فينا ليه إحنا بنقعد السنة كلها نستنى المنتخب يروح بطولة كبيرة علشان نتابعه انتوا مستكترين علينا الفرحة”.

وتابع :” محدش يقولنا رطوبة ودرجة حرارة “متعبليش أي حاجة في كيس”.. هي الناس التانية بتلعب في ظروف غير الظروف اللى احنا فيها .. حسوا بالناس “.

وأختتم “فايق” رسالته النارية للاعبي منتخب مصر قائلا:” احنا أخر بطولة واخدنها في 2010 امتى نرجع ونلعب زي ما الناس بتلعب كورة”.

وتقام مباريات الجولة الثالثة من منافسات كأس الأمم الأفريقية 2023، بإقامة مباراتين في نفس التوقيت في تمام الساعة العاشرة مساءً يوم الأثنين المقبل، وذلك بإقامة مباراة مصر وكاب فيردي، في نفس الوقت مباراة بين موزمبيق وغانا.

شاهد: