سيف زاهر يفتح النار علي فيتوريا واتحاد الكرة بعد خروج منتخب مصر من أمم أفريقيا : النسخة الأسوأ !! – فيديو

شن الإعلامي سيف زاهر ، هجوماً حاداً علي لاعبي منتخب مصر والبرتغالي روي فيتوريا واتحاد الكرة المصري عقب وداع بطولة أمم أفريقيا امام الكونغو الديمقراطية.

حيث قال سيف زاهر مقدم برنامج CAN2023 المذاع عبر شاشة قناة أون تايم سبورتس الفضائية : يوم حزين علي الكرة المصرية ، احنا منستاهلش اننا نكسب ، نفسي راح في الدعم والمساندة .

وأشار: اعتقد ان دي النسخة الأسوأ لأي منتخب وطني شارك في أمم أفريقيا ، مفيش أداء ، بطولة بلا أي مكسب ، احنا ملبعناش تقريباً ، ربنا يسرلنا الأمور اننا خدنا فرق علي قد ايدنا .

وزاد : كل حاجه في البطولة دي غلط ، اكيد كان في أفضل لأن مفيش حاجه بالسوء دا ، احنا في الملعب بلا أي شكل أو امور فنية ، فيتوريا الأمور هربت منه، كل حاجه غلط ، حتي التصريحات غلط ، اتحاد الكرة ادار ملفات كتير بشكل غلط ، الدعم اللي خده للمنتخب في البطولة كبير اوي .

وشدد : عندنا أفضل من كدا بكتير جداً ، عندنا ناس كتير جدا أفضل من المشهد اللى في الملعب دا ، لكن المنتخب الوطني مراحش البطولة دي من وجهة نظري ، لكن التقييم في البطولة دي صفرر، بنلاعب فريق متواضع .

واستطرد : احنا مش حاضرين ولا مركزين وفي مليون حاجة غلط ، لازم تعمل لوائح أن الأندية تخرج اللعيبة بتاعتها برا ، محدش يقولي هنعمل ومتقلقوش ، احنا محتاجين نعمل بناء للكرة المصرية ، احنا بنتكلم علي منتخب بنحبه.

وأكد : تقيمي لمنتخبنا الوطني في بطولة أمم أفريقيا هو صفرر ، دا رأي الناس في الشارع.

وأتم : خبرات السنين في الإدارة هي اللي بتعمل مكاسب ، احنا محتاجين في الكرة المصرية مصارحة.

شاهد الفيديو