شوبير يشن هجوم ناري بعد حملات التقطيع في منتخب مصر !! شمتانين في الجزيري وبيرسي تاو !! – فيديو
شن الإعلامي أحمد شوبير ، هجوماً قويا ضد حديث البعض عن منتخب مصر ، مؤكداً أن الجميع يحسبها دائماً زمالك واهلي.
حيث قال أحمد شوبير مقدم برنامج CAN 2023 المذاع عبر شاشة قناة أون تايم سبورتس الفضائية : مصر كلها بقت محللين وكله بقي يقولك التشكيل الأنسب لمنتخب مصر ، ويقولك نلعب امام مكان زيزو و زيزو مكان مروان حمدي وكله بيحسبها أهلي وزمالك .
وزاد : حتي اللعيبة الأفارقة كله بيتكلم عليهم اهلي وزمالك ، يقولك الجزيري خرج في الدقيقة كام وتاو ضيع ضربة جزاء، وشمتانين فيهم.
وتطرق : منتخب السنغال هزم جامبيا 3 صفر ، جاب منهم هدفين لاعب اسمه لامين كامارا ، خرج من أكاديمية جينيراسيون فوت اللي قابلت الزمالك في دوري ابطال افريقيا من قبل .
وشدد : اللاعب دا موجود حالياً في نادي ميتز ، الناس دي عندها سياسة أن أي لاعب يظهر او يقدم حاجه يرحل علي أوروبا فوراً وبمبالغ 100 الف دولار وصفقات بتتم بدون مبالغة ، الأهم اللاعب يتواجد في أوروبا ويكبر هناك والدولة تستفيد ، لكن عندنا اللاعب يجيله عرض بمبالغ ،يقولك ياعم لا ، وندور علي لعيبة نجبها من أفريقيا بمبالغ كبيرة .
وأتم : أنت اصبحت مستورد وهما مصدرين ، وللأسف الناس دي بتخطط وبتحط أساس لكن احنا بنحط ديكور وناخد الصورة ، والديكور دا مجرد ما تلمسه بيقع ، زي الملاعب كدا اول ما تتعمل تاخد اللقطة والصورة وبعدها تتبهدل وتبوظ.
شاهد الفيديو
الناس هتشمت في تاو والجزيري انتقاما من الأهلي والزمالك❌ عشان القصة ماشية انتماءات مش حب لمنتخب مصر 🇪🇬 شوبير ومقدمة قوية للدفاع عن المنتخب ضد حملات التقطيع#CAN_2023 pic.twitter.com/ANLGgf4F3n
— OnTime Sports (@ONTimeSports) January 16, 2024
