أكد أسامة نبيه مدرب الزمالك السابق ، أن علاقته لم تنقطع بنادي الزمالك ، مؤكدا أنه ابن من ابناء النادي.
حيث قال أسامة نبيه في تصريحات لبرنامج CAN 2023 المذاع عبر شاشة قناة أون تايم سبورتس الفضائية تقديم الإعلامي سيف زاهر :عمر علاقتي ما تنتهي بنادي الزمالك ، انا واحد من الناس اللي محققين ثلث بطولات الزمالك كلاعب وكمدرب.
وأشار : اللي عدا جمب السور بيقول انا ابن النادي ، امال احنا نبقي ايه ، يوسف اسامة نبيه اتربي من خير نادي الزمالك.
واستطرد : انا ابن الزمالك وعلاقتي بالنادي مش هتنقطع، الزمالك بيوحشنا دايما وعمرنا ما بعدنا عن الزمالك لأنه دايما في قلوبنا ، انا موجود في الزمالك ولسه هبقي موجود وللحديث بقية.
واكد : لو يوسف اسامة نبيه انتهي عقده مع بيراميدز وجاله أي نادي تاني مع الزمالك ، هتكون الأولوية للزمالك.
وتطرق : احنا تعبنا وعملنا لنادي الزمالك اسماء لعيبة تجيب ملايين ، زي حسام عبدالمجيد ، وحسام اشرف واسامة فيصل وحمدي علاء وسيد نيمار ، كل دول تبع مشروع اشتغلت فيه اسمه فريق الأمل
وزاد : فاتورة انتقال يوسف إلي بيراميدز عليا انا انا اللي بدفع النسبة الكبيرة ، زي ما دفعت فاتورة أبناء العاملين ، كان بيتقال عليه كدا وهو في الزمالك.
وأتم : كنا منتظرين نادي الزمالك ، لكن كان فيه تخبط إداري كبير ، مكانش فيه حد نقعد معاه ، محدش كان له هوية أو صفة إدارية من الناس الموجودة في الزمالك وقت إنتهاء يوسف مع الزمالك.
شاهد الفيديو
