هاجم أحمد سليمان، عضو مجلس إدارة الزمالك، أحمد دياب رئيس رابطة الأندية بسبب رغبته في تغيير شكل الدوري المصري الموسم القادم
وقال سليمان في تصريحات تليفزيونية ببرنامج اللعيب عبر قناة “mbc مصر”:” اتحاد الكرة من اغنى الاماكن في مصر بيأخذ من الاندية 3٪ من عقد كل لاعب”.
وتابع: “هو احمد دياب هل جاب لجنه فنيه محترمه علشان يغير نظام الدوري، هو رجل اداري، هل دياب جاب حسن شحاته وشوقي غريب وجاب فنيبن يغيروا شكل الدوري”.
واضاف:” الدوري ينتظم امتى؟، لما الاتحاد والرابطة يكونوا اقوى من الانديه، شوف كم التأجيلات في الدوري، الاندية اقوى من الاتحاد، لابد من تطبيق اللوائح على الجميع، في ناس بتأخد عقوبات بفيديوهات وناس بتعمل كوارث مش بيتعاقبوا في وقائع حصلت بيتغاضوا عنها”.
وتابع سليمان: “لايوجد عداله في تطبيق اللوائح، وامام عاشور في الزمالك اتعاقب عقوبه رهيبه، ونفس الموقف تكرر من لاعبين (في اشارة للاعبيه الاهلي) مع لاعبي الزمالك في الناشئين ولم يلتفت لهم احد وبصوا الناحيه التانيه”.
وأشار:”تغيير نظام الدوري لخدمه انديه الشركات هيفيديها انت عامل القائمة 30 لاعب و5ناشئين بتأجل ليه؟
وشدد سليمان:” مش موافق على نظام الدوري الجديد، مين الخبير اللي اقنعني، احمد دياب هل هو رجل فني؟ “.
وواصل:” يجيبوا لجنه فنيه يخططوا للكرة المصرية، المفروض اتحاد الكره بيتحرك مع المنتخبات والرابطه مع الدوري، مين ييتحرك مع حسام حسن في كل مكان؟، احمد دياب بيقعد معاه، هو عايش دور رئبس اتحاد الكرة، احنا مش نميس على الناس اللي بيقعد مع حسام حسن احمد دياب، وهو رئيس الرابطه يبقى إلغي اللجنه الفنيه واتحاد الكرة”.
وأختتم:” اللجنه الفنيه جايين لجنه صوره فقط، ولا ناس تضع خطط للدوري؟، مين اللجنه الفنيه بالرابطه هل طه اسماعيل فيها؟، المفروض يكون في خطه لاتحاد الكرة”.
