كشف أسامه نبيه مدرب الزمالك السابق، عن مفاجأة صادمة بشأن نجله يوسف لاعب بيراميدز الحالي، وقت تواجده في الفارس الابيض وعدم تجديد تعاقده.
وقال أسامة نبيه في تصريحات عبر قناة “mbc مصر”:” سعيد بعوده سيف فاروق جعفر لنادي الزمالك، وده بيفتح باب عوده يوسف اسامه نبيه للزمالك مرة أخرى لأننا اتظلمنا “.
وأضاف:” يوسف اسامه وقع على عقود بيضاء أكثر من مرة للزمالك والعقود دي موجوده لحد دلوقتي معايا، لكن علشان العشوائية اللي كنا فيها ملقاش حد يكلمه”.
واشار نبيه:” كلمت عبدالواحد السيد وقتها وقولتله علشان يوسف يجدد وقالي أنه ملوش علاقه بالتجديد وقتها، ومكناش لاقين حد نكلمه وبعدها طلع في قناة الزمالك يعمل نمره وزاط وقتها، رغم اني أنا اللي كنت مكلمه بنفسي وقايله أن يوسف ماضي في بيراميدز وواخد مقدم بسبب اللي حصل معاه “.
وأتم:” العشوائية الإدارية في الزمالك سبب خروج يوسف اسامه نبيه من الزمالك، وباذن الله هيرجع في يوم بكورته اللي هيقدمها مش بحاجه ثانية لانه ده بيتنا في الأول والآخر”.
