هاجم الإعلامي أحمد شوبير ، توجيه الإشادة بحسام حسن مدرب منتخب مصر الجديد ، تحت مسمي أنه مدرب يملك الروح.
وقال احمد شوبير في تصريحات لبرنامج البريمو عبر شاشة قناة TEN الفضائية : كل واحد لازم يكون شخصية قوية ، حتي الراجل اللي بيصورني ، ويكون عنده روح خلاص بقي كفاية كلام عن الروح طلعتوا روحنا.
وشدد : حسام حسن مش بيبقي مبسوط والناس بتقول عليه مدرب روح ، الراجل بيحب الناس تقول عنده فنيات وقال الموضوع دا في حوار معايا من زمان.
وزاد : احنا عاوزين منتخب محترم و عاوزين اتحاد بجد مش اتحاد تفصيل جاهز ، محتاجين حد يشتغل ، سيبوا الجمعية العمومية تختار اتحاد كرة يديروا الكرة في مصر
وأتم : خلي الكرة لأهل الكرة يشتغلوها ويديروها ، علشان تظبط الكرة في مصر مش أقل من 4 سنين.
وأعلن الإتحاد المصري لكرة القدم عن تعيين حسام حسن في منصب المدير الفني للمنتخب الوطني ، بعد توجيه الشكر للبرتغالي روي فيتوريا عقب الخروج من كأس أمم أفريقيا.
شاهد الفيديو
