تحدث عمرو حسن المدير الفني لفريق الداخلية عن خسارة أمام الزمالك بهدف دون رد في المباراة التي جمعت الفريقين مساء اليوم ضمن منافسات بطولة الدوري العام الممتاز.
وحقق الفريق الأول لكرة القدم في نادي الزمالك فوزًا غاليًا على نظيره الداخلية في المباراة التي جمعت الفريقين، مساء اليوم الخميس، على ستاد القاهرة، لحساب الجولة الـ14 من عمر مسابقة الدوري.
وقال ” عمرو” :” حاولنا النهارده نبدأ بنفس الشكل بتاع المباراة اللي فاتت وحاولنا نمشي المباراة زي ما احنا عايزين”.
وأضاف ” حسن” في المؤتمر الصحفي للقاء :” بشكر كل اللاعبين عملوا كل اللي عليهم طول المباراة لولا الهفوه اللي حصلت وجيه منها الهدف”.
وتابع :”حاولنا في انتقالات يناير ندعم الفريق بعناصر خبرة لكن هي تحتاج لوقت من أقل من 4 مباريات وكمان حصل تغيير للمدرب فإن شاء الله يحصل تغيير المباريات القادمة”
وبسؤاله هل تضيع الوقت كان سبب خسارة الداخليه؟، رد “حسن” :”لا والله اللعيبه فعلا كانت بتتصاب واللاعب كان عنده شد عضلي واستبدل واحنا مش بنضيع وقت ولا حاجه ولا تقدر تفتتح الخطوط لكن في الاخر انت بتلاعب فريق بحجم الزمالك”.
