كشف امير مرتضى منصور ، نجل مرتضى منصور رئيس الزمالك السابق ، موقف غريب بين مرتضى منصور وأحمد حسام ميدو أثناء تولي الاخير قيادة الأبيض في موسم 2014.
وقال امير مرتضى منصور في تصريحات لبرنامج أسرار المذاع عبر شاشة قناة النهار : ميدو سنة 2014 كان ماسك الزمالك قبل ما مجلس مرتضى منصور يجي ، كان ميدو مدير فني لما المستشار نجح .
وواصل : وقتها كانت النتائج ماشيه كويسه في الكأس ولكن مش كويسه في الدوري ، والمجلس قرر يمشيه بحضور المستشار برده .
واضاف : المستشار مرتضى منصور مرضاش يواجهه وخلي عضو مجلس إدارة يقول لميدو القرار.
وزاد : بعدها بالصدفه المستشار قابل ميدو وهو شايل حاجته ومروح من النادي ، قاله انت رايح فين ؟ ميدو رد قاله ماشي الأستاذ مصطفى عضو مجلس الإدارة بلغني بقرار أن انا امشي.
وأتم : مرتضى منصور قاله أنا مقلتش حاجه لحد، كمل مهمتك ، وبعدها ميدو كمل و اخد الكأس ، انا بحب ميدو علشان بني ادم طيب وعنده مشاكل كتير ، ميدو متسرع ومش عارف قيمة نفسه.
شاهد الفيديو
