بعد تصريح السماء والأرض .. الهارب كهربا يتراجع عن حديثه بشأن صفقة نجم الزمالك – فيديو

تحدث اللاعب الهارب محمود عبد المنعم كهربا، جناح النادي الأهلي عن أزمة تصريحاته الأخيرة عن صفقة انتقال عبدالله السعيد إلي الزمالك ومقارنتها مع انتقال إمام عاشور للأهلي.

وكان كهربا قد أثار حالة من الجدل خلال ظهوره في إحدى لقاءات برنامج “رامز جاب من الآخر” للفنان رامز جلال، حيث صرح قائلا :” فرق السماء والأرض في انتقال عبدالله السعيد للزمالك من انتقال إمام عاشور للأهلي” في إشارة إلى أفضلية صفقة النادي الأحمر.

وقال ” كهربا” :” “لما اتسألت عن الصفقة الأفضل عبد الله السعيد للزمالك ولا إمام عاشور للنادي الأهلي، وقلت إمام وفرق السماء عن الأرض، علشان إمام لسه صغير في السن وعنده 25 سنة وعبد الله السعيد 38 سنة، وأنا كنت بتكلم بتلقائية ومش عارف إن فيه كاميرا ومكنتش مدي خوانة”.

وأضاف “كهربا” خلال لقائه ببرنامج “أسرار” على قناة “النهار”:”أنا كنت جنب عبد الله السعيد وخايف عليه في المقلب، وتضايقت عليه عشان هو كبير في السن، مكنش ينفع يتهزر معاه كده وعيب يحصل كده في مقلب رامز جلال معاه، وأنا اتضايقت من نفسي علي تشبيه السماء والأرض لأن في الأول والآخر عبد الله السعيد زميل ملاعب، والله مكنتش أعرف إن الحتة دي متصورة وهتتعرض كنت بتكلم عادي”.

وتابع: “أنا زعلت من نفسي لأن مينفعش أتكلم عن زميل ليا بأسلوب وحش، إمام عاشور أخويا الصغير وعبد الله السعيد له احترامه ومينفعش إني أقطع فيه، وعبد الله شخصية جميلة وطيب وهو عارفني من زمان ومفيش بيني وبينه مشاكل وهو حبيبي”.

وأختتم “كهربا”:”لو رامز جلال جابني معاه في برنامج رياضي السنة الجاية هدمرله البرنامج خالص، بس هو أخويا وحبيبي وأنا معنديش مشكلة أروح برامج مقالب تاني عادي، ورامز أهلاوي أوي واتكلم عليا بشكل حلو”.

شاهد: