“جبتله بلطجية” .. ميدو يكشف كواليس مثيرة عن أزمتة مع مرتضى منصور ودور خاص لـ شيكابالا وعمرو أديب – فيديو
كشف أحمد حسام ميدو نجم نادي الزمالك السابق عن كواليس أزمته الأخيرة مع مرتضى منصور رئيس القلعة البيضاء السابق، مشيرًا إلي أن شيكابالا كان السبب في إنهاء الخصومة بينه وبين مرتضى منصور.
وقال “ميدو” خلال استضافته ببرنامج “أسرار” المذاع على قناة النهار: “مشاكل مرتضى منصور.. عمرو أديب موقفش جنبي ولكن ساعتها كان هو ومرتضى رافعين قضايا على بعض فموضوعنا جه في حتة واحدة وحلقتي مع عمرو أديب أعلى نسبة مشاهدة في تاريخ الوطن العربي وكنا مرتبين كل حاجة ومرتضى كان مقعد ٤٠ محامي مستنينا نغلط فيه”.
وأضاف “ميدو”: “اتصالحت مع مرتضى مش اعتذرتله وولاده صحابي، أنا مكنتش ناوي أصالحه وبعرف اخد حقي الحمدلله، واللي حصل ان شيكابالا منه لله وراني الويل وبحبه جدًا”.
وتابع :” شيكابالا وقتها كان عمل غلطة كبيرة جدًا وكانوا هيمشوه من الزمالك، رحت واخد شيكابالا ورحتله المكتب رغم الخناقات اللي بينا وموديله بلطجية وكده ولكن ولا يهمني، وهو بيحبني جدًا، قالي أنت بتجبلي بلطجية قلتله امال أجبلك ملبس ما أنت كمان بتجيب بلطجية احنا بنحمي بعض بس، قلتله موضوع شيكابالا يخلص وخلصنا الكلام”.
وأختتم “ميدو”: “عمرو أديب موقعنيش في مرتضى لكنه زعل جدًا بعد ما اتصالحت مع مرتضى”.
شاهد:
