هاجم الإعلامي أحمد شوبير ، جمهور الزمالك بسبب انتقادات قائمة منتخب مصر في بطولة كأس العاصمة الودية ، مؤكداً أنه لا يستحق لاعب في الزمالك الإنضمام للمنتخب سوي احمد فتوح.
وقال احمد شوبير مقدم برنامج ملعب أون تايم المذاع عبر شاشة قناة أون تايم سبورتس الفضائية: سؤالي للزملكاوية ، عاجبك أداء الزمالك ؟ لا ، عاجبك النتائج ؟ لا .
وواصل : طب حضرتك زعلان ليه ان مفيش اسماء كتير انضمت للمنتخب ، رشحلي حد غير احمد فتوح يكون موجود في المنتخب .
وأكد: الراجل شايف أن فتوح محتاج يتعب شوية في المباريات وبعدين ينضم ، لكن أكرم توفيق بيلعب وبيشارك في اكتر من مركز .
وزاد : لكن محدش كان يستحق من الزمالك ينضم للمنتخب غير اللي انضموا بوضوح واستني علي فتوح شوية ، هيجوا يقولولي أفشة ، هقولك افشة لاعب منتخبات وحسام حسن مقتنع بالمركز ، وحسام حسن كان عاوز عبدالله السعيد وكان حاطط اسمه ، لكن شايف أنه لسه محتاج شوية مع الزمالك.
كان حسام حسن قد اكتفي بالثنائي محمد عواد ومصطفى شلبي من الزمالك في المعسكر الأخير.
شاهد الفيديو
