أكد عبدالحليم علي، لاعب الزمالك السابق، ان رباعي خط دفاع الفريق هم المسئولين عن الخسارة أمام الجونة، في الدوري.
وقال علي في تصريحات تليفزيونية عبر قناة “الزمالك”:” في اخطاء كارثيه، مينفعش الزمالك يبقي في لعيبه دوليه زي عمرجابر والمثلوثي ومحمود علاء وفتوح ويحصل انفراد بالشكل ده”.
وتابع: “ازاي المساحه الكبيره بين الدفاع وخط الوسط، هو انا بلعب مان على زميلي، دي لعيبه دوليه انا مبلعبش ماتش خماسي في ماتشين يدخل 5 اهداف في مرماك؟”.
واضاف علي:” انا ملومش المدير الفني، انا ألوم اللعيبه مفيش في التاريخ الثيرد باكات يكونوا في نص ملعب الخصم، انا مش هطبطب على حد في اخطاء ساذجه من عمر جابر والمثلوثي وفتوح ومحمود علاء”.
وشدد: “في اخطاء كارثيه من اللاعبين والاهداف كتيره جدا في مرماك، مطير الثيرد باكت ليه والديفنيدرات ليه؟، انا محملش المدير الفني احمل الدفاع وخط الوسط”.
وأختتم:” لازم اللاعبين يراجعوا نفسهم ويلعب من يستحق فقط، اتمنى يتم عمل معسكر والمدير الفني يعرض للاعبيين اخطائهم ويناقشها معهم واللي بيغلط ميلعبش”.
