مين النجم فيهم زيزو ولا شيكابالا ؟.. رد قوي من الهارب كهربا على الاختيار الأصعب !! – فيديو
تحدث اللاعب الهارب محمود عبدالمنعم كهربا جناح النادي الأهلي عن الفترة التي قضاها داخل نادي الزمالك، مشيرًا إلي انه كان النجم الأول للفريق في تلك الفترة وليس محمود عبد الرزاق “شيكابالا” قائد الفارس الأبيض، كما رد “كهربا على سؤال مين النجم الأول في الزمالك في الوقت الحالي “زيزو” أم “شيكابالا” ؟
وبسؤاله إيه سر كثرة بطولات الأهلي عن الزمالك ؟، رد “كهربا” :”عندنا في الأهلي سيستم معين في اللعب وينعلب بروح الجماعة ومعندناش النجم الأوحد، علشان كده ربنا بيكرمنا”.
وأضاف “كهربا” خلال استضافته في برنامج “أسرار ” على قناة “النهار” :” لكن الزمالك يعتمد على النجم الأوحد، ولما كنت أنا في الزمالك كنت أنا النجم الأوحد مش شيكابالا وده مش غرور دي ثقه، وده من خلال أرقامي ومساعدتي للفريق، لكن شيكابالا في حتة وأنا في حتة تانية”.
وبسؤاله مين النجم في الزمالك حاليًا شيكابالا ولا زيزو؟، رد “كهربا” :” فيه لاعيبة كويسة كتير لكن أنا مش حابب اتكلم عن الزمالك هما ليهم احترامهم والجماهير، لكن أنا أفضل الحديث عن أخواتي في الأهلي فقط “.
وبسؤاله تخاف تلاعب مين شيكابالا ولا زيزو ؟، رد “كهربا” :” لا أنا مش بخاف من حد والعب ضد أي حد .. ولا حتى مدافعي الزمالك تقلق منهم؟.. لا مش بخاف من أي حد خالص ؟، لكن في الأهلي بقلق من محمد عبد المنعم وياسر إبراهيم وأكرم توفيق”.
شاهد:
