أحمد الطيب يفحم مذيعه أهلاويه بسبب شيكابالا ويؤكد الأهلي بلا اساطير وهذا اكبر دليل على ذلك – فيديو

أكد المعلق الرياضي أحمد الطيب، أن محمود عبد الرازق “شيكابالا”، قائد الفريق الأول لكرة القدم بالزمالك يعد احد اهم الأساطير بالفارس الأبيض، وشدد أن الأهلي لا يوجد به حاليا لاعبين يطلق عليهم لقب اسطورة.

وقال الطيب في تصريحات تليفريونية ببرنامج” العرافة” عبر قناة” النهار” ردًا على سؤال المذيعة الأهلاويه بسمة وهبه، انت ليه بتتغزل في شيكابالا ولاعبي الزمالك فقط اين الأهلي؟: “تغزلنا في لاعبي الأهلي وكل الفرق واي حد بيجيد بنعطي له حقه، وممكن في حاجه موجوده في الزمالك مش موجوده عندهم”.

وتابع:” لاعبي الاهلي بيكسبوا وبيحققوا بطولات، ولكن اللاعب اللي يخطف عينك مش موجود”.

وتعود بسمه وهبه قائله:” امامك 30 ثانيه تتغزل في الاهلي، ليجيب الطيب: “انا مش مونولوجست، التعليق اقيم من ذلك، واتغزل في الاهلي بامارة ايه؟ انا تغزلت في شيكابالا وقولتله والله وقفتلك وصفقتلك، شيكابالا الاسطورة لانه عنده حاجه مش موجوده عند غيره”.

وشدد:” الاهلي حاليا مفيش فيه اسطورة، اخر اسطورة عبدالله السعيد وهرب منهم وابوتريكه، الاهلي مرحلة الخطيب هو الايقونه والرمز وبعده حسام حسن وبعده خالد بيبو لفترة قصيرة”.

وأشار الطيب:” الاهلي بيبني حاليا علشان يكون في اسطورة وبيدور على حد يكون هو الاسطورة، رمضان صبحي اتكون علشان يبقى اسطورة لكن هرب، وعبدالله السعيد اسطورة لكن هرب، يبقى في حاجه غلط بالاهلي”.

وواصل: “الزمالك في مشروع اسطورة عظيم غير شيكابالا، وهو زيزو وشوفي اخر 3 سنين ارقام زيزو”.

وزاد الطيب:” كهربا لاعب كويس ولكن مش اسطورة، هل اتساوت الرؤوس، انا لااقارن الخطيب بشيكابالا لان في فرق السن واللون، مش انا اللي بقول ان شيكابالا اسطورة العصافير على الشجر بتقول شيكابالا اسطورة السمك في المياه بيقول انه اسطورة”.

وتدخلت المذيعه مرة ثالثة قائله: “انت غير محايد وبتمجد في شيكابالا” ليرد الطيب: “دي نعمة ربنا هترفضيها حد ربنا انعم عليه بموهبه مختلفه وقبول ورضا حصل لناس قليلة، الشناوي حارس كويس لكن مش اسطورة”.

وعادت لتسأله:” ازاي شيكابالا اسطورة من غير بطولات؟ ليجيب: “اخر 3 سنين شيكابالا اخد الدوري مرتين من ثلاثة، وانت جايه محامي للاهلي ولا هنعمل لقاء؟، احنا مع المنطق
هو الاهلي اكبر فريق في مصر لانه واخد بطولات لانه الاكثر حصدا للبطولات كارقام طالما قررت تقيم كده يبقى الزمالك بظل القرن”.

واختتم:” الزمالك كان الاكثر حصولا على البطولات الافريقية ب،9 القاب، المشكله بنتوه اولادنا الصغيرين بنعلمهم الصغير اكبر من الكبير، واللي مدرسين الحساب بيعملوه لهم بنغيره، ازاي اقول فريق واخد9 بطولات افضل من فريق واخد7 بطولات”.

شاهد