رد الإعلامي ابراهيم عبدالجواد على هجوم سيد عبدالحفيظ مدير الكرة بالنادي الأهلي ، أمس في احدي اللقاءات التلفزيونية.
ذلك بعد إسقاط سيد عبدالحفيظ على عبدالجواد ، بعدما قال انه ابيض وعيونه جميله ويرتدي نظارة شمس.
وأكد عبدالجواد ، ان سيد عبدالحفيظ كان يقول في وقت سابق أنه لا يتبع هذا الأسلوب سوي مع شخص واحد فقط في المنظومة والآن هذا الشخص رحل ، لذلك عليه أن يختلف باحترام.
وقال ابراهيم عبدالجواد مقدم برنامج الهدف عبر شاشة قناة أون تايم سبورتس الفضائية : أنا معنديش معاه اي مشكله وهو اتكلم في الحته اللي بتلمسني وهو قال إننا اشتغلنا مع بعض وده حصل في ام بي سي مصر من 11 سنه وبينا عيش وملح وانا اكثر انسان بقدر كده.
وواصل : لكن أنا مغلطش في كابتن سيد عبدالحفيظ.. أنا كنت بتكلم وبدافع عن الهجوم اللي بيتعرض ليه كابتن خالد بيبو واللي بيحصله والظلم اللي بيحصل في المقارنات.. هل انت ترضى باللي بيحصل ده وانا لما ادافع عنه أنت ايه علاقتك يا كابتن سيد أو يزعلك في ايه.
وشدد : أنا بقول دايما كابتن سيد عبدالحفيظ انجح مدير الكرة في النادي الأهلي.
واستمر : لكن أنا لما اتكلم وأقول إن حتى في وجود كابتن سيد عبدالحفيظ الأهلي خسر من الزمالك 2 دوري وخسر من صن دوانز وخسر بطولات كثيرة وان خالد بيبو لسه بيخطو أولى خطواته ومينفعشي يتقارن بيك وأنه اصلا في لعيبه وجهاز فني وإدارة ويتم تجاهل كل دول ويتم الخوض في خالد بيبو ويتعرض للمهانه دي ومفروض أنت اللي تدافع عنه مش أنا.
وأكد : اخر حاجه الجو بتاع الاسقاطات اللي قولتها وانا مش زعلان منها وهي احلى شخص في مصر ونظارة شمس أنت كنت بتقول قبل كده انها متنفعش غير مع شخص كان بيتكلم عليك والراجل ده مشي .. فمينفعشي يكون أسلوبك بالطريقه دي والسخريه ولازم لما نختلف يكون باحترام وبادب.
شاهد الفيديو
