علق الإعلامي سيف زاهر، على البيان المشترك الصادر من الزمالك والشركة المتحدة للخدمات الرياضية.
واصدر مجلسي الزمالك والشركة المتحدة بيان جاء فيه:” يثمن مجلسي إدارة نادي الزمالك والشركة المتحدة العلاقه المتميزه بين الجانبين ويرفضان أية محاولات فرديه للنيل من هذه العلاقه أو المساس بها وثمنت قنوات “اون تايم سبورتس” الدور الرياضي الكبير لنادي الزمالك وجماهيره كأحد قطبي الكرة المصرية وإسهاماته في رفعه شأن الرياضه المصرية، كما ثمن مجلس إدارة نادي الزمالك الدور الإعلامي المتميز الذى تقوم به قنوات “اون تايم”.
وقال زاهر في تصريحات نليفزيونية عبر قناة” أون تايم سبورتس”:” انتم متخيلين ان اي مذيع يشتغل بدون زمالك واهلي، او ميكونش في حياد، احنا على مسافة واحده من الجميع، اتعلمنا في المتحدة امور كثيرة منها الحياديه اسلوب حياه، وطبيعي احط بادج الزمالك والاهلي، من غير حياديه مفيش شغل”.
واضاف: “حد من الاهلي يقولي انت مع الزمالك والعكس، مع الاهلي دعمنا الكيان واتشرفنا ان محمود الخطيب كان في القناة مع شوبير ساندنا كيان الاهلي، في الزمالك ساندت مجموعه اومجموعتين مفيش حد اترشح من انتخابات الزمالك مظهرش معنا، انت وانت بتتفرج عرضنا لك كل الناس علشان نساعد الكيان”.
واشار زاهر:”والاهلي بيخسر اثنين دوري ورا بعض واخدوا قرار تاريخي باللعب بالناشئين ومنح اللاعبين راحه وساندنا القرار، ومجلس حسين لبيب قولنا انجاز فك القيد والتعاقد مع عبدالله السعيد صفقة من العيار الثقيل، ووقفنا معهم في موقف فتوح”.
وأردف:” هي دي القناة، عارفه قيمة الانديه الشعبيه، فين القناة اللي بتحط اخبار الناديين وبتتفرج على نفسك غير هنا، ،مين زود جمهور الزمالك في المدرجات ومين قالك ساند فريقك في الأهلي احنا اللي ملينا المدرجات”.
وشدد زاهر: احنا الي كبرنا النجاح ورفضنا التجاوز من غير، زمالك واهلي وعلاقه طبيه الكره المصريه في ازمه، نحن في ضهر الكيان مش اشخاص”.
وواصل:” بيان الرمالك والمتحدة عالمي احنا قطار واحد، علم مصر الكبير وتحته الانديه انسى الاعلام الي مش محايد، احنا هنا لاسعاد حضراتكم، المتحده هدفها اسعاد حضرتك بسعدك لما فرقتك تكسب وبتزعل لما فريقك تخسر”.
وزاد: “نفسي الجمهور يشوف كابتن طه اسماعيل اخلاقه عامله ازاي وحازم امام اخلاقه ازاي، وعماد متعب وهو بيبارك للزمالك، وايمن يونس ده عمره ماتجاوز في حق الاهلي او حق حد، ولاعمري سمعته يشتم هي دي الرياضه والعلاقه والناس والرموز”.
واستطرد زاهر:” انا ممكن احتفل معك بالفوز علي الاهلي، لكن ماتش الكونفدرالية يروح لازم تقفل، متلحقش تفرح لان الكبير نصيبه كده الزمالك والاهلي اصل الرياضه”.
واختتم: “رسالة للمسئول ممكن المسئول يديني واحده ويقول معندوش فكرة عن الاعلام، لكن امشي معايا في سكه واحده انا ياما دعمتك، ومحدش يقدر يحط حد في دماغه، ممكن مسئول في صفحته يهاجمني وانا مقدرش اتكلم علشان الشاشه مش بتاعتي كلنا على مسافة واحده”.
شاهد:
