خلاف قوي على الهواء بين طارق يحيى وسيد عبد الحفيظ بسبب مقارنة الزمالك بالاهلي!!- فيديو

نشب خلاف حاد بين طارق يحيى نجم الزمالك الاسبق، وسيد عبد الحفيظ مدير الكرة السابق بالأهلي، بشأن المقارنة بين القطبين.

وقال يحيى في تصريحات ببرنامج “اللعيب”، عبر قناة”mbc مصر”:” المقارنه بين الزمالك والأهلي ظالمه للزمالك، لإن الاحمر عنده افضليه في الصفقات، والزمالك عاني من ايقاف قيد، وفي المقابل الاهلي بيتعاقد مع لاعبين جيدين ده سيستم”.

ؤاردف:” الزمالك بعد ليه عن الأهلي في عدد البطولات؟، بسبب الازمات التي يعاني منها، الزمالك بيتعرض لظروف قهريه وطبيعي يتراجع، الفترة الأخيره الصفقات جايه على المدى البعيد، انت مرتبط بقيد موقوف حاجات غريبه بتحصل له فبعدنا عن افريقيا”.

وتابع يحيى: “الظروف خارجة عن ارادة اللاعب، القدرة الشرائيه عندك اقل من الأهلي، ولما كان عندك قوة شرائيه تعاقدت مع صفقات واحرزت بطولات، واخدنا بطولات من الاهلي، ايام الاهرام كابتن حسن حمدي كان بيمول الأهلي وبيجيب صفقات قويه علي عكس الزمالك”.

وواصل:” انا بتكلم على حالة الزمالك و الظروف، احنا سبب الازمات، وياريت اعرف احنا عملنا في نفسنا كده ليه؟، محلتش مع بوطيب وباتشيكو ليه، انت كان عندك قوه شرائيه واختفت “.

وتدخل سيد عبدالحفيظ قائلا:” مينفعش ابدا اقول المقارنه ظالمه بين فريقين كبار،في الاهلي اللي بيستلم بعدي مفيش مشكله وباسلم الورقه فاضيه لانها مش عزبتي، جمهور الزمالك بالملايين زي الاهلي، لكن في الاحمر اكثر لان بطولات الاهلي في20 سنه خلت كل الناشئ بيرتبط بالبطل، ودي مش معايره، لاننا بنسلم ورق نظيف مفيش ازمات”.

ورد طارق يحيى: “في الزمالك بسلم اللي بعدي كوارث وازمات والورقه مليانه دائما، نفسي اصحى الاقي الزمالك مفيش فيه ازمات وهتلاقيه بياخد بطولات، كنا5 افريقيا والاهلي 3،دلوقتي الاهلي11 وانا زي مانا”.

ؤزاد:” الزمالك لايستحق ذلك، ليه عملنا في الزمالك كده؟، اشتغل للنادي ومعظم اللي جاي بيشتغل للشو، والجمهور بيدفع التمن واحنا بناخد فلوس ليه اعمل في الزمالك كده”.

وعاد واستانف عبد الحفيظ: “جمهور الاهلي بالذات بيحب البطولات زي عينه، لكن الأهلي عنده مواقف الاشخاص لو هتقارن بالبطولات هيرتبط بالمواقف اكثر، ممكن لاعب اخد بطولات كتير، وجماهير الأهلي مش مرتبطة به، وممكن يرتبط بلاعب صاحب مواقف رغم عدم حصوله علي عدد كبير من البطولات” .

شاهد: