وجه الإعلامي عمرو أديب، رسالة قويه للأهلاويه والإعلام الرسمي وغير الرسمي بسبب الزمالك بعد الفوز على الاحمر في الدوري.
وقال أديب خلال تصريحات تليفزيونية ببرنامج “الحكاية”، عبر قناة”mbc مصر”:” عاوز اسال هو الاهلي كان كويس أمام الزمالك؟، الاهلاويه كانوا عاوزين يمشوا المدرب قبلها بـ5 ماتشات، وكتير منهم قالوا الاهلي سيئ والتشكيل سيئ، والاهلي تعبان قولوا انكم تعبانين وسيئين “.
واضاف:” كسبنا قولنا مبروك ياعمي انما الفتنه الكرويه بتحاولوا تعملوها، مبسوطين؟، من حقنا، عاوزين ايه، ولد معلش يافندم اكسب وانت ساكت هي هيصه، خلاص كسبت مش عاوزين قلق، ليه الطبقية دي فيها ايه نكسب ونتنطط ونرقص ونغني سطلانه اشمعنى انتم ايه حالة الكتمه دي، ايه شجع وانت ساكت”.
وأردف أديب:” وياعيني مش سامع حد زملكاوي بيكلم كل الاعلام رسمي وغير رسمي، بيكلم على الأهلي وايه حصل، ماتكلم على الزمالك وفوزه، لا هناك تعاطف مع الاهلي وعاوزين نجيب لعيبه”.
وواصل: “زيزو ماتشين قدام الاهلي بيطلع من الشوط الاول نص الفرقه بتطلع، انتم مش شايفين بنلعب ازاي، بشويش خلونا نحتفل ويقولك متحفلش، انما الاهلي يحفل ويرقص ويقول اغاني وينزل الشوارع انما الزمالك يكسب اكتم وايه يعني”.
وشدد اديب:”ماتغير المدرب انتم بقيتوا تغيروا المدربين، اذا مضايقكم، انا مالي ذنبي ايه هو انا هقوله متلعبش موديست، يارب ينزلهم كلهم تأهيل انا مالي، انا كسبت وخلاص”.
وأكمل:” الماتش كان امبارح لم يهنئنا احدلم يسعد بنا احد، الشاشات كلها احمرت مفيش ابيض ويقول بيب بيب زمالك”.
وزاد أديب: “الف مبروك سعيد ومبسوط الزمالك نادي الفن الهندسه نادي عريق وتاريخ كبير، كان حظه وحش ابتدي يشم نفسه، الاهلي نادي بطولات”.
وأتم:” لوسمحتوا لما نكسب بشويس، هو الماده الـ3 بالدستور بتقول لازم الاهلي يكسب،لا مفيش في الدستور كده، وسيبوا الناس تعبر عن نفسها في حالة قمع ويقولك فاكر نفسك ابه فاكر نفسي كسبت الماتش”.
شاهد
