سيف زاهر ينفعل على الهواء بعد زلزال اقامة مباراة الزمالك والأهلي في السعودية !! – فيديو
علق الإعلامي سيف زاهر ، علي منتقدي إقامة مباراة الزمالك والأهلي في المملكة العربية السعودية ، بحجة أن القمة لا يمكن أن تقام خارج مصر.
وقال سيف زاهر في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية : المملكة العربية السعودية قدمت عرض بعد مباراة نهائي الكأس والاستقبال كان رائع جداً .
وواصل : والسعودية أصبحت مشاركة في المنتج المصري ، في عز ما هما بيتعاقدوا مع نجوم استضافوا نهائي كأس مصر علشان يقولوا للعالم عندنا منتج تاني كبير ، هما بعد المباراة قالوا المنتج المصري كويس .
وزاد : وقالوا هناخد مباراتين الدوري بمبلغ فوق ال200 مليون جنية ، لازم نقول للناس دي شكراً على تقدير المنتج بالمبلغ دا ، وفيه ناس بتعترض ، الماتش دا هيدخل ٥٠ مليون للزمالك والأهلي وهيدخل فلوس للشركة الراعية ، ليه تقول لا .
وشدد : العروض السعودية بدأت تفوق الرعاة هنا في مصر ، معني كدا أن هيكون في سباق لعدد كبير من الدول علشان يقدموا عروض ، بلاش تهاجم اشكر السعودية أنها رفعت قيمة سلعتك .
واضاف : لما بيكون الماتش في السعودية الماتش بيبقي مخصص للجمهور المصري ، ارجو الناس تعرف المباراتين دول هيودوا الكرة المصرية فين ، دي مباراة دخلها أكثر من 250 مليون جنية ، انتوا عارفين الزمالك والأهلي هيروحوا فين ؟
وأتم : انا مش صاحب قرار لكن بقولك شوف منتجك راح فين ، وشوف صناعة كرة القدم المصرية هتروح على فين ، الصناعة جايلها فرصة للتطوير ، المنتح السنة الجاية طار ، حضرتك ممكن الصناعة تتحول من السالب للموجب ، الرياضة مش هتطور واحنا قاعدين لازم نستغل الأمور دي ، احنا داخلين في مليار دولار إلا حاجات بسيطة ، لو لعبت الكأس والسوبر والقمة ، حسين لبيب والخطيب مش هيقولوا موافقين إلا لو هما واثقين أن أنديتهم هتروح في حته تانيه.
شاهد الفيديو
