فلوس الزمالك من ممدوح عباس وتركي ال شيخ ساعدنا !! الغندور يطلق قنابل ضد مجلس حسين لبيب !! – فيديو

أطلق خالد الغندور ، هجوماً قوياً ضد مجلس إدارة نادي الزمالك برئاسة حسين لبيب ، بعد إعلان رفض إقامة القمة في المملكة العربية السعودية تحت رعاية تركي آل شيخ.

وأكد الغندور ، أن الزمالك كان بحاجة لأموال إقامة المباراتين في المملكة العربية السعودية من أجل إنهاء الأزمات المالية ، وما حدث غير مبرر خاصة وأن المجلس اعتمد على أموال ممدوح عباس والقروض لإنهاء الأزمات المالية.

واضاف الغندور ، أن تركي آل شيخ ساعد الزمالك من قبل ، بعدما منح النادي الأموال ، وتعاقد مع لاعبين كبار والمدرب كريستيان جروس .

وقال خالد الغندور في فيديو نشره عبر حسابه الشخصي على موقع التواصل الإجتماعي فيسبوك : ايه الميزة في الرفض ؟ ايه الكرامة اللي هترجع علي الزمالك في رفض عرض مالي يتخطي المليون دولار .

وزاد : انت محتاج فلوس في ظروفك دي وشكرنا مجلس الزمالك قبل كدا اللي حل المشاكل عن طريق قروض وخد فلوس من ممدوح عباس واعتمد عليه بشكل كبير في حل الازمات.

وشدد : ايه الميزة في رفض عرض من السعودية الشقيقة بجانب امتيازات أخري هتستفاد بيها ، ايه علاقة الموضوع بالكرامة ؟ هي الناس دي رايحه جبر خواطر دول اكبر فرقتين في الوطن العربي.

وأشار: والمستشار تركي ال شيخ عارف قيمة الفريقين قيمة الزمالك والأهلي في الكرة فلوس ملهاش علاقة بالكرامة خالص دي مش هدايا دا ماتش كورة لا الرفض بيجيب كرامة ولا الموافقة بتجيب كرامة.

واستطرد : رابطة الأندية بتقول جبنا موافقة الزمالك والأهلي ونفس الموضوع تركي ال شيخ قال جبت موافقة الفريقين وبعد كدا اتقال أن الفيفا رفض كان المفروض يجيبوا موافقة الفيفا قبل الأندية وقبل كل شئ.

وواصل : المستشار تركي ال شيخ ساعد الأهلي واداله فلوس كتير أوي وساعد الزمالك جاب لعيبة مدربين على أعلي مستوي، احنا ليه بنحاول نعمل بطولة من لا بطولة، الناس بتعرض عليك فلوس الرفض مبيجبش كرامة، مش شايف أي مبرر للرفض بصراحة إلا لو فيه أمور إجرائية بتمنع إقامة المباراة.

وأتم: انا عاوز اكسب في الملعب يا جماعة، طب ليه بنتغلب في مصر ياجماعة ؟ وبنتغلب هنا 4/1 لازم تقوي فريقك وتجيب لعيبة كبيرة، المستشار تركي آل شيخ عامل تارجت في السعودية من خلال استقدام لعيبة كبيرة وبطولات كبيرة هما عندهم تارجت لبلدهم بيحبوا الماتشات الجماهيرية الجالية المصرية هناك كبيرة جداً، منقعدش نولع الدنيا ولازم نقدر قيمة العرض دلوقتي المباراتين ودلوقتي الكرة بقت استثمار.

شاهد الفيديو