فتح مرتضى منصور، رئيس الزمالك المعزول من منصبه، النار على حسين لبيب رئيس الفارس الأبيض، وأتهمه بتزوير عضويته بالنادي، وذلك بعد تأجيل قضية بطلان الإنتخابات.
وحجزت المحكمة الإدارية العليا بمجلس الدولة، اليوم الإثنين، الطعون المطالبة ببطلان انتخابات مجلس إدارة نادي الزمالك، والتي أجريت في20 أكتوبر الماضي، للحكم بجلسة 20 مايو المقبل.
وقال مرتضى منصور في تصريحات صحفيه: “اكتشفنا الآتي في قضية الطعن على انتخابات الزمالك في الإداريه العليا، المفروض المفوضين علشان يتكتب التقرير ويبعته للمحكمه، البيه سكرتير جلسه خبى الملف باوامر عليا ومبعتوش”.
وتابع:” اكتشفنا واحنا بنطلع على المستندات ان في 8 اوراق مهمه جدا مسروقة من ملف القضية، منها شطب احمد سليمان وحسين لبيب، وبعد الشكوى قدمنا الورق ثاني”.
واشار منصور: “حسين لبيب علشان تترشح في انتخابات الزمالك تكون عضو بالنادي، قولنا مش عضو ايه يثبت عضويته؟ اوراق وهي تكون 1- لاعب رياضي لمدة 8 سنين بالفريق الاول، 2- يقدم طلب 3 يتعرض على لجنة العضويات، 4-مجلس الادارة يوافق، اتحديته يجيب ورقه من دول لتالت جلسه اتحدى يجيب ورقه منهم”.
وأردف:” قلت لحسين لبيب لورجل هات ورقه منهم، مقدمش حاجه من دول، بيحضرا عنه كمال شعيب محامي ممدوح عباس”.
وتابع منصور: “حسين لبيب مقدم صورة ايصال مزورليثبت عضويته، مين راكب النادي؟ هو حسين لبيب، طيب اصل الايصال معاه ما تقدمه، جايب صوره ليه؟ جيب محضر المجلس وفرحان وبتلبس حاجات احمر واخضر واصفر”.
وزاد:” الايصال مكتوب في ايه؟ انه تبرع لنادي 6 اكتوبر في شهرمايو سنة2000 وده مخالف لان انا واخد الارض في 2003، ازاي دفعت تبرع ومفيش نادي في 6 اكتوبر؟ “.
وأستطرد منصور:” قدمت للمحكمه تقرير نيابه الاموال العامه ان العضويات الرياضية مزوره ومنهم مسئول كبير دلوقتي وقولت اسمه للمحكمه”.
وأستانف: “مكتوب ان حسين لبيب تبرع لارض 6 اكتوبر بخط الايد ليه مكتوب بخط الايد؟، الاعضاء الرياضين بناء على قرار وزاري لسنة47 ولما جه يزور ماخدش باله كتب قرار وزاري برقم مخالف، وقدم شهادتين انه لعب فريق اول سنه 69 و70،والـ2 مزورين،و الدليل ان حسين لبيب مواليد سنة55 يعني لعب وهو عنده13 سنه؟ وهذا ضد اللائحه التي تقر بانه يلعب فريق اول وهو سن 18″.
وأختتم:” في واد اسمه ابراهيم بؤقه مقدم ورق انا كان بيلعب وهو عنده10 سنين فريق اول للزمالك، مين زور الشهادات دي؟ حسين السمري واسماعيل سليم”.
شاهد:
