اشعل محمد مجدي أفشة لاعب خط وسط الفريق الأول لكرة القدم بالنادي الأهلي النيران داخل النادي الأحمر ، بعدما تهكم على مدربه السويسري مارسيل كولر ، واتهمه بمجاملة امام عاشور.
وقال الإعلامي الاهلاوي كريم رمزي مقدم برنامج رقم 10 : “لماذا تم استبعاد افشة ؟ السولية والشحات وافشة اعترضوا على كولر بسبب استبعادهم في مباراة مازيمبي وتم توقيع غرامة عليهم ، والسولية والشحات انضموا لقائمة مباراة الإسماعيلي وتم استبعاد افشة”.
وواصل : “الحكاية أن افشة بعد مباراة مازيمبي اتكلم بطريقة دايقت جدا مارسيل كولر وقاله انت مش عادل ، ومش بتلعب اللاعب الجاهز زي ما بتقول في المؤتمرات الصحفية”.
وواصل : “افشه قال لكولر ان فيه لعيبة راجعة من الإصابة وبتلعب على طول وانت عندك لعيبة تانيه جاهزة زيي ، وتحديداً امام عاشور اللي لسه راجع من الإصابة ولعب قدام مازيمبي” .
واضاف :” الكلام دا دايق كولر وقفل من اللاعب ، لكن مقفلش نهائي ، أفشة لاعب طيب مش مؤذي ومش منفسن ولما بيعترض بيكون بحسن نيه” .
وأتم : “وأعتقد أن كولر هيفهم دا كويس ، مهم أن افشة يرجع هادي تاني وملتزم ، كل مشاركة لافشة مع الأهلي كانت مؤثرة”.
شاهد الفيديو
